Click it and Unblock the Notifications
ഇരുടീമുകളെയും പ്രശംസിച്ചു
ഇന്ത്യയെയും പാകിസ്താനെയും തന്റെ ട്വിറ്റര് പേജിലൂടെ അഫ്രീഡി പ്രശംസിച്ചു. തകര്പ്പന് പ്രകടനം കാഴ്ചവച്ച ഇന്ത്യന് അണ്ടര് 19 ടീമിനു അഭിനന്ദനങ്ങള്. ഇന്ത്യയിലെ ക്രിക്കറ്റ് സംവിധാനം വ്യത്യസ്ത കാറ്റഗറികളില് മികച്ച കളിക്കാരെയാണ് വാര്ത്തെടുക്കുന്നത്. പാക് യുവതാരങ്ങളോടുള്ള ഇഷ്ടം കുറഞ്ഞിട്ടില്ല. വലിയൊരു പാഠം തന്നെയാണ് സെമിയില് ടീം പഠിച്ചത്. ഹൈദര്, ഹുറെയ്റ, റൊഹൈല്, ഹാരിസ്, കാസിം എന്നിവരും ഫാസ്റ്റ് ബൗളര്മാരും മികച്ച കഴിവുള്ളവരാണെന്നും അഫ്രീഡി ട്വീറ്റ് ചെയ്തു.
പാകിസ്താനെ 172ന് എറിഞ്ഞിട്ടു
സെമിയില് ടോസിനു ശേഷം ആദ്യം ബാറ്റ് ചെയ്ത പാകിസ്താനെ 172 റണ്സിന് ഇന്ത്യ എറിഞ്ഞൊതുക്കി. 43.1 ഓവറില് പാകിസ്താന്റെ ഇന്നിങ്സ് അവസാനിക്കുകയായിരുന്നു. ക്യാപ്റ്റന് റൊഹെയ്ല് നസീര് (62), ഓപ്പണര് ഹൈദര് അലി (56) എന്നിവരുടെ ഇന്നിങ്സുകളാണ് പാകിസ്താനെ വലിയ നാണക്കേടില് നിന്നു രക്ഷിച്ചത്. ഇന്ത്യക്കു വേണ്ടി സുഷാന്ത് മിശ്ര മൂന്നു വിക്കറ്റുകള് കൊയ്തപ്പോള് കാര്ത്തിക് ത്യാഗിക്കും രവി ബിഷ്നോയിക്കും രണ്ടു വിക്കറ്റ് വീതം ലഭിച്ചു.
അനായാസം ഇന്ത്യ
പാകിസ്താന് നല്കിയ 173 റണ്സെന്ന ചെറിയ വിജയലക്ഷ്യം ഇന്ത്യക്കു ഒരു ഘട്ടത്തിലും വെല്ലുവിളിയുയര്ത്തിയില്ല. ടൂര്ണമെന്റിന്റെ കണ്ടെത്തലായി മാറിയ യശസ്വി ജയ്സ്വാള് (105*) അപരാജിത സെഞ്ച്വറിയുമായി നയിച്ചപ്പോള് 35.2 ഓവറില് വിക്കറ്റ് നഷ്ടമില്ലാതെ ഇന്ത്യ ലക്ഷ്യത്തിലെത്തി.
113 പന്തില് എട്ടു ബൗണ്ടറികളും നാലു സിക്സറും താരത്തിന്റെ ഇന്നിങ്സിലുണ്ടായിരുന്നു. 59 റണ്സുമായി ദിവ്യാന്ഷ് സക്സേന മികച്ച പിന്തുണ നല്കി. ജയ്സ്വാളാണ് മാന് ഓഫ് ദി മാച്ച്.
Continue with Google