കോലി 140*, ഇന്ത്യ ഫോളോ ഓണ്‍ ഒഴിവാക്കുന്നു

ക്യാപ്റ്റന്‍ കോലിക്ക് മറ്റൊരു റെക്കോര്‍ഡ്

ക്യാപ്റ്റന്‍സി അരങ്ങേറ്റത്തില്‍ മൂന്ന് സെഞ്ചുറികള്‍ നേടുന്ന ആദ്യ താരമാണ് വിരാട് കോലി. ഈ ലൊകറെക്കോര്‍ഡിന് പുറമേ ഒരു പരമ്പരയില്‍ നാല് സെഞ്ചുറികള്‍ എന്ന ഇന്ത്യന്‍ റെക്കോര്‍ഡില്‍ സുനില്‍ ഗാവസ്‌കറുടെ ഒപ്പമെത്താനും കോലിക്കായി.

പുറത്താകല്ലേ കോലീ...

140 റണ്‍സെടുത്ത് നില്‍ക്കുന്ന കോലിയിലാണ് ഇന്ത്യയുടെ സമനില പ്രതീക്ഷ. നാളെ തുടക്കത്തില്‍ കോലി പോയാല്‍ ഇന്ത്യ തകരാനും ഫോളോ ഓണ്‍ ചെയ്യാനും ടെസ്റ്റ് തോല്‍ക്കാനും വരെ സാധ്യതളുണ്ട്.

സോളിഡ് രാഹുല്‍ ജൂനിയര്‍

ഇന്ത്യ കാത്തിരുന്ന ടെസ്റ്റ് ഓപ്പണര്‍ താനാണ് എന്ന് വിളിച്ചുപറയുന്ന പ്രകടനമാണ് കര്‍ണാടക സ്വദേശിയായ രാഹുല്‍ നടത്തിയത്. രണ്ടാം ടെസ്റ്റ് മാത്രം കളിക്കുന്ന രാഹുല്‍ ആറ് മണിക്കൂറോളം ക്രീസില്‍ ചെലവിട്ടാണ് 110 റണ്‍സെടുത്തത്.

രോഹിത് ശര്‍മ കളഞ്ഞുകുളിച്ചു

രാവിലെ മികച്ച രീതിയില്‍ പ്രതിരോധ ബാറ്റിംഗ് കാഴ്ചവെച്ച രോഹിത് ശര്‍മ അനാവശ്യ ഷോട്ടിന് ശ്രമിച്ച് പുറത്തായി. മികച്ച തുടക്കങ്ങള്‍ കളഞ്ഞുകുളിക്കുന്നത് ശീലമാക്കുകയാണ് രോഹിത്.

റെയ്‌ന സംപൂജ്യന്‍

രണ്ട് വര്‍ഷത്തിന് ശേഷം ടീമിലെത്തിയ സുരേഷ് റെയ്‌ന നേരിട്ട ആദ്യ പന്തില്‍ പുറത്തായി. വാട്‌സനായിരുന്നു വിക്കറ്റ്.