അശ്വിന്റെ മാജിക്കിന് മുന്നില്‍ പകച്ചുപോയി ശ്രീലങ്കയുടെ ബാല്യം, തോറ്റത് 9 വിക്കറ്റിന്!

അശ്വിനാണ് എല്ലാം

മാന്‍ ഓഫ് ദ മാച്ച്, മാന്‍ ഓഫ് ദ സീരിസ് എല്ലാം ആര്‍ അശ്വിനാണ്. ഒന്നാമത്തെ ഓവറില്‍ മൂന്ന് വിക്കറ്റെടുത്ത് തുടങ്ങിയ അശ്വിന്‍ മൊത്തം നാല് വിക്കറ്റെടുത്തു. പരമ്പരയില്‍ 9 വിക്കറ്റും 31 റണ്‍സും സ്വന്തം പേരിലാക്കിയ അശ്വിന്‍ മാന്‍ ഓഫ് ദ സീരിസ് പട്ടത്തിനും അര്‍ഹനായി.

ധവാന്‍ വീണ്ടും

റാഞ്ചിയില്‍ അര്‍ധസെഞ്ചുറി നേടിയ ശിഖര്‍ ധവാന്‍ ഒരിക്കല്‍ കൂടി മാച്ച് വിന്നിങ് പ്രകടനം പുറത്തെടുത്തു. 46 പന്തില്‍ പുറത്താകാതെ 46 റണ്‍സാണ് ശിഖര്‍ ധവാന്‍ നേടിയത്.

ശ്രീലങ്കയ്ക്ക് ദയനീയ റെക്കോര്‍ഡ്

ട്വന്റി 20യിലെ ശ്രീലങ്കയുടെ ഏറ്റവും കുറഞ്ഞ ടോട്ടലാണിത്. ഓസ്‌ട്രേലിയയ്‌ക്കെതിരെ 2010 ല്‍ അവര്‍ ഇതിന് മുമ്പ് 87 റണ്‍സിന് പുറത്തായിട്ടുണ്ട്.

ഇന്ത്യയ്ക്ക് എല്ലാം ഈസി

ഒരു തിടുക്കവും ഇല്ലാതെയായിരുന്നു ഇന്ത്യ ശ്രീലങ്കയുടെ ടോട്ടല്‍ പിന്തുടര്‍ന്നത്. നല്ല പന്തുകള്‍ ശ്രദ്ധയോടെ കളിച്ച അവര്‍ മോശം പന്തുകള്‍ക്ക് വേണ്ടി കാത്തുനിന്നു. രോഹിത് ശര്‍മ 13 റണ്‍സെടുത്ത് പുറത്തായപ്പോള്‍ രഹാനെ 22 റണ്‍സോടെ പുറത്താകാതെ നിന്നു