ചീട്ടുകൊട്ടാരം പോലെ ഇംഗ്ലണ്ട് കറങ്ങിവീണു, ഇന്ത്യയ്ക്ക് 246 റണ്‍സിന്റെ ജയം, കോലി മാൻ ഓഫ് ദ മാച്ച്!

ബൗളര്‍മാര്‍ ഒരുക്കിയ ജയം

സ്പിന്നെന്നും ഫാസ്‌റ്റെന്നും വ്യത്യാസമില്ലാതെ ഇന്ത്യന്‍ ബൗളര്‍മാര്‍ തിളങ്ങിയ ടെസ്റ്റാണിത്. 405 റണ്‍സിന്റെ ഏതാണ്ട് അസാധ്യമായ വിജയലക്ഷ്യം തേടിയിറങ്ങിയ ഇംഗ്ലണ്ടിനെ ഇന്ത്യ 158 റണ്‍സില്‍ പിടിച്ചുനിര്‍ത്തി. 246 റണ്‍സിന്റെ വിജയം.

അശ്വിന്‍ കലക്കി

ഓള്‍റൗണ്ടര്‍ ആര്‍ അശ്വിന്‍ ഒരിക്കല്‍ കൂടി ഇന്ത്യയുടെ വിജയതാരമായി. ഒന്നാം ഇന്നിംഗ്‌സില്‍ 5 വിക്കറ്റും 70 റണ്‍സും. രണ്ടാം ഇന്നിംഗ്‌സില്‍ ബാറ്റിംഗില്‍ പരാജയപ്പെട്ടെങ്കിലും 3 വിക്കറ്റോടെ ബൗളിംഗില്‍ തിളങ്ങി.

ജയന്ത് യാദവിന് കയ്യടി

അരങ്ങേറ്റക്കാരന്‍ ജയന്ത് യാദവ് ബാറ്റിംഗിലും ബൗളിംഗിലും രണ്ടിന്നിംഗ്‌സിലും തിളങ്ങി എന്നതാണ് പ്രധാനപ്പെട്ട കാര്യം. രണ്ടിന്നിംഗ്‌സിലുമായി അമ്പതോളം റണ്‍സടിച്ച യാദവ് നാല് വിക്കറ്റും വീഴ്ത്തി.

ജഡേജയും മിന്നി

ഇടംകൈ സ്പിന്നര്‍ രവീന്ദ്ര ജഡേജയും മോശമാക്കിയില്ല. ഇംഗ്ലണ്ട് നിരയിലെ ഏറ്റവും പ്രധാനപ്പെട്ട വിക്കറ്റായ അലിസ്റ്റര്‍ കുക്കിനെ ജഡേജ ഇന്നലെത്തെ അവസാന പന്തില്‍ വീഴ്ത്തിയതോടെയാണ് കൡഇന്ത്യയ്ക്ക് അനുകൂലമായത്.

വിരാട് കോലി മാന്‍ ഓഫ് ദ മാച്ച്

ഒന്നാം ഇന്നിംഗ്‌സില്‍ സെഞ്ചുറിയും രണ്ടാം ഇന്നിംഗ്‌സില്‍ അര്‍ധസെഞ്ചുറിയും നേടിയ ക്യാപ്റ്റന്‍ വിരാട് കോലിയാണ് മാന്‍ ഓഫ് ദ മാച്ച്. രണ്ട് ഇന്നിംഗ്‌സുകളിലും കോലിയായിരുന്നു ഇന്ത്യയുടെ ടോപ് സ്‌കോറര്‍.