വീണ്ടും കോലി-വില്ല്യംസ് പോര് വരുമോ? അതും ഐപിഎല്ലില്‍... പുതിയ 24 പേരില്‍ വില്ല്യംസും

മുഷ്ഫിഖുര്‍ റഹീമിനെയും ഉള്‍പ്പെടുത്തി

ബംഗ്ലാദേശിന്റെ വിക്കറ്റ് കീപ്പറും വെടിക്കെട്ട് ബാറ്റ്‌സ്മാനുമായ മുഷ്ഫിഖുര്‍ റഹീമാണ് പുതുതായി ലിസ്റ്റില്‍ ഉള്‍പ്പെടുത്തിയിട്ടുള്ള മറ്റൊരു പ്രമുഖ താരം. ഐപിഎല്ലില്‍ ഇതുവരെ ഒരു ഫ്രാഞ്ചൈസിക്കു വേണ്ടിയും മുഷ്ഫിഖുര്‍ കളിച്ചിട്ടില്ല. എട്ടു ഫ്രാഞ്ചൈസികളുടെയും നിര്‍ദേശത്തെ തുടര്‍ന്നാണ് നേരത്തേ ലേലത്തില്‍ രജിസ്റ്റര്‍ ചെയ്തിട്ടില്ലാത്ത 24 കളിക്കാരെ കൂടി പുതുതായി ചേര്‍ത്തിരിക്കുന്നത്.
വില്ല്യംസ്, മുഷ്ഫിഖുര്‍ എന്നിവരെക്കൂടാതെ ഓസീസ് ബാറ്റ്‌സ്മാന്‍ ഡാന്‍ ക്രിസ്റ്റ്യന്‍, സ്പിന്നര്‍ ആദം സാംപ, 21 കാരനായ ഇംഗ്ലീഷ് താരം വില്‍ ജാക്ക്‌സ് എന്നിവരും ലിസ്റ്റില്‍ ഇടം പിടിച്ചിട്ടുണ്ട്.

ക്രിസ്റ്റിയനും സാംപയും നേരത്തേ കളിച്ചു

ക്രിസ്റ്റ്യനും സാംപയും നേരത്തേ ഐപിഎല്ലിന്റെ ഭാഗമായിട്ടുള്ള താരങ്ങളാണ്. എന്നാല്‍ യുഎഇയില്‍ ലങ്കാഷെയറിനെിരേ നടന്ന പ്രീസീസണ്‍ ടി10 മല്‍സരത്തില്‍ വെറും 25 പന്തില്‍ സെഞ്ച്വറി നേടിയതോടെ ശ്രദ്ധിക്കപ്പെട്ട താരമാണ് ഇതു വരെ ഇംഗ്ലണ്ടിനായി കളിച്ചിട്ടില്ലാത്ത ജാക്ക്‌സ്.
അതേസമയം, കരീബിയന്‍ പ്രീമിയര്‍ ലീഗിലെ സ്ഥിരം സാന്നിധ്യമാണ് വിന്‍ഡീസ് പേസര്‍ വില്ല്യംസ്. 79 ടി20കളില്‍ നിന്നും 108 വിക്കറ്റുകള്‍ പേസര്‍ വീഴ്ത്തിയിട്ടുണ്ട്. വിന്‍ഡീസിനു വേണ്ടി 24 ടി20കളില്‍ നിന്നും 41 വിക്കറ്റുകളും വില്ല്യംസ് നേടി.

ആദ്യം 971, ഇനി 332 പേര്‍ മാത്രം

971 താരങ്ങളാണ് ലേലത്തിനു വേണ്ടി ആദ്യം രജിസ്റ്റര്‍ ചെയ്തിരുന്നത്. ഇവരില്‍ 713 ഇന്ത്യന്‍ താരങ്ങളും 258 വിദേശ കളിക്കാരുമാണുണ്ടായിരുന്നത്. ഈ മാരത്തോണ്‍ ലിസ്റ്റിനെ വെട്ടിച്ചുരുക്കി ഇപ്പോള്‍ 332 ആക്കിയിട്ടുണ്ട്.
ഫ്രാഞ്ചൈസികള്‍ നല്‍കിയ കളിക്കാരുടെ ലിസ്റ്റ് പരിഗണിച്ചാണിത്. പുതുക്കിയ ലിസ്റ്റ് പ്രകാരം ഇന്ത്യക്കു വേണ്ടി കളിച്ച 19 താരങ്ങള്‍ മാത്രമേ ഉള്‍പ്പെട്ടിട്ടുള്ളൂ.