സൈനയും,ജ്വാല-അശ്വിനി സഖ്യവും മുന്നോട്ട്‌

ലണ്ടന്‍: ലണ്ടന്‍ ഒളിംപിക്‌സില്‍ ഇന്ത്യയുടെ ഉറച്ച മെഡല്‍ പ്രതീക്ഷയായ ബാഡ്‌മിന്റണ്‍ താരം സൈന നെഹ്‌വാള്‍ രണ്ടാം റൗണ്ടും വിജയകരമായി താണ്ടി പ്രീ ക്വാര്‍ട്ടറില്‍ എത്തി. ബെല്‍ജിയത്തിന്റെ റ്റാന്‍ ലിയാനിനെ പരാജയപ്പെടുത്തിയാണ്‌ സൈന പ്രീ ക്വാര്‍ട്ടറില്‍ എത്തിയിരിക്കുന്നത്‌.

വളരെ അനായാസമായി നേരിട്ടുള്ള സെറ്റുകള്‍ക്കാണ്‌ സൈന റ്റാനിനെ പരാജയപ്പെടുത്തിയിരിക്കുന്നത്‌. സ്‌കോര്‍ 21-4, 21-14. പ്രീ ക്വാര്‍ട്ടറിലും മികച്ച പ്രകടനം കാഴ്‌ച വെച്ച്‌ സൈന മുന്നോട്ടു തന്നെ പോകും എന്നു പ്രതീക്ഷിക്കാം.

അതേസമയം ബാഡ്‌മിന്റണ്‍ വനിതാ ഡബിള്‍സ്‌ മത്സരത്തില്‍ ജ്വാല ഗുട്ട - അശ്വിനി പൊന്നപ്പ സഖ്യം തായ്‌പെയ്‌ സഖ്യമായ ചെങ്‌ - ചിയാനിനെ തോല്‍പിച്ചു. മത്സരം മൂന്നു സെറ്റുകളിലേക്ക്‌ നീണ്ടു.

പുറത്താകും എന്നു ഏതാണ്ടുറപ്പാക്കിയിരുന്ന സ്ഥാനത്തു നിന്നാണ്‌ ക്വാര്‍ട്ടര്‍ പ്രതീക്ഷ നിലനിര്‍ത്തിക്കൊണ്ട്‌ ജ്വാല - അശ്വിനി സംഖ്യം വിജയിച്ചിരിക്കുന്നത്‌. സ്‌കോര്‍ 25-23, 16-21, 21-18.