ഹോങ്കോങ് ഓപ്പണ്‍ ബാഡ്മിന്റണ്‍; പിവി സിന്ധുവും സമീര്‍ വര്‍മയും രണ്ടാം റൗണ്ടില്‍

ഹോങ്കോങ്: ഹോങ്കോങ് ഓപ്പണ്‍ ബാഡ്മിന്റണ്‍ ചാമ്പ്യന്‍ഷിപ്പില്‍ ഇന്ത്യയുടെ പിവി സിന്ധുവും സമീര്‍ വര്‍മയും രണ്ടാം റൗണ്ടില്‍ കടന്നു. വനിതകളുടെ സിംഗിള്‍സില്‍ സിന്ധു തായ്‌ലന്‍ഡ് താരം നിഞ്ചോണ്‍ ജിന്താപോളിനെ 21-15, 13-21, 12-17 എന്ന സ്‌കോറിനാണ് കീഴ്‌പ്പെടുത്തിയത്. തായ്‌ലന്‍ഡ് താരത്തിനെതിരെ സിന്ധുവിന്റെ നാലാം ജയമാണിത്.

ഐപിഎല്‍: അടുത്ത സീസണ്‍ തകര്‍ക്കും... കീഴടക്കാന്‍ അവരെത്തുന്നു, സ്മിത്തും വാര്‍ണറും!! കൂടെ ഇവരും
ഈവര്‍ഷം മൂന്ന് വെള്ളിമെഡലുകള്‍ നേടിയ സിന്ധുവിന്റെ അടുത്ത എതിരാളി കൊറിയയുടെ സങ് ജി ഹ്യുന്‍ ആണ്. കൊറിയന്‍ താരവുമായി ഏറ്റുമുട്ടിയപ്പോള്‍ 8-5 എന്ന നിലയില്‍ ജയം സിന്ധുവിനൊപ്പമാണ്. പുരുഷ സിംഗിള്‍സില്‍ സമീര്‍ വര്‍മ തായ്‌ലന്‍ഡ് താരം സുപന്യു അവിഹിങ്‌സനനെ 21-17, 21-14 എന്ന സ്‌കോറിനാണ് വീഴ്ത്തിയത്. ചൈനയുടെ ഒളിമ്പിക്‌സ് ചാമ്പ്യന്‍ ചെന്‍ ലോങ് ആണ് സമീറിന്റെ അടുത്ത എതിരാളി.

നേരത്തെ, ദീര്‍ഘനാളായി കളത്തിന് പുറത്തായിരുന്ന പി കശ്യപ് ചാമ്പ്യന്‍ഷിപ്പ് യോഗ്യതാ മത്സരത്തില്‍ ജയിച്ചിരുന്നു. ക്വാളിഫൈയിങ് മത്സരത്തില്‍ ചൈനീസ് തായ്‌പേയിയുടെ ഹസു ജെന്‍ ഹാവോയെ 21-7, 12-21, 21-18 എന്ന സ്‌കോറിനാണ് കശ്യപ് തോല്‍പ്പിച്ചത്. ഇന്തോനേഷ്യന്‍ താരം ആന്റണി സിനിസ്‌ക ജിന്റിങ് ആണ് കശ്യപിന്റെ അടുത്ത എതിരാളി. മിക്‌സഡ് ഡബിള്‍സില്‍ സാത്വിക് സായ്് രാജ്, അശ്വിനി പൊന്നപ്പ സഖ്യം 21-16, 19-21, 21-14 എന്ന സ്‌കോറിന് ചൈനീസ് തായ് പേയ് സഖ്യത്തെ കീഴ്‌പ്പെടുത്തി യോഗ്യത നേടിയിട്ടുണ്ട്.