നിലവില് ഏറ്റവുമധികം ആരാധകരുള്ള സഹോദരന്മാരാണ് പാണ്ഡ്യ ബ്രദേഴ്സ്. ഓള്റൗണ്ടര്മാര് കൂടിയായ ഇവരില് ഹാര്ദിക് പാണ്ഡ്യയാണ് ടീമിലെ സ്ഥിരാംഗം.
ഐപിഎല്ലില് ദീര്ഘകാലം മുംബൈ ഇന്ത്യന്സില് ഒരുമിച്ച് കളിച്ച ഹാര്ദിക്കും ക്രുനാലും കഴിഞ്ഞ സീസണില് വ്യത്യസ്ത ടീമുകളിലായിരുന്നു.
മുംബൈ ഇന്ത്യന്സിനു വേണ്ടി നടത്തിയ മികച്ച പ്രകടനങ്ങളിലൂടെ ഹാര്ദിക് പാണ്ഡ്യയാണ് ആദ്യം ഇന്ത്യന് ടീമിലെത്തിയത്.
ബറോഡയ്ക്കു വേണ്ടി മികച്ച പ്രകടനം നടത്തിക്കൊണ്ടിരുന്ന ഹാര്ദിക്കിനെ 2015ലാണ് മുംബൈയുടെ സ്കൗട്ടിങ് ടീം കണ്ടെത്തുന്നത്.
ഈ വര്ഷം വരെയുള്ള കണക്കുകളനുസരിച്ച് ഹാര്ദിക് പാണ്ഡ്യയുടെ ആസ്തി 67 കോടി രൂപയാണ്. ഇതു കഴിഞ്ഞ വര്ഷത്തേതിനേക്കാള് ഇരട്ടിക്കടുത്താണ്
സ്പോണ്സര്ഷിപ്പുകളിലൂടെ വലിയ വരുമാനം ഹാര്ദിക്കിനു ലഭിച്ചു. നിരവധി ബ്രാന്ഡുകളമായി താരത്തിനു കരാറുണ്ട്.
15 കോടിയില് അധികമാണ് ഒരു വര്ഷം ഹാര്ദിക്കിന്റെ വരുമാനം. മാസത്തില് 1.2 കോടിക്കടുത്തും താരത്തിനു ലഭിക്കുന്നു. ഗുജറാത്ത് ടൈറ്റന്സില് ഹാര്ദിക്കിന്റെ ശമ്പളം 15 കോടിയാണ്.
ഗുജറാത്തില് രണ്ടു കോടി വില മതിക്കുന്ന വീട് താരത്തിനുണ്ട്. കൂടാതെ മെഴ്സിഡസ് ബെന്സ്, ബിഎംഡബ്ല്യു എന്നിവയടക്കമുള്ള ആഡംബര കാറുകളും ഹാര്ദിക്കിന്റെ പക്കലുണ്ട്.
53 കോടി രൂപയുടെ ആസ്തിയാണ് ക്രുനാലിനുള്ളത്. ഒരു വര്ഷത്തെ ക്രുനാലിന്റെ വരുമാനം 1.2 മില്ല്യണ് ഡോളറാണ്. മാസത്തില് 98,000 ഡോളറും താരത്തിനു ലഭിക്കുന്നു.
നേരത്തേ മുംബൈ ഇന്ത്യന്സില് ലക്ഷങ്ങളായിരുന്നു ക്രുനാലിന്റെ ശമ്പളം. എന്നാല് ഇപ്പോള് ലഖ്നൗവിലെ ശമ്പളം 8.25 കോടിയാണ്.