പാരീസ്: ഇന്ത്യയുടെ യൂക്കി ഭാംബ്രി ദിവിജ് ശരണ് ജോഡിയും, രോഹന് ബോപണ്ണ മിക്സഡ് ഡബിള്സ് ജോഡിയും ഫ്രഞ്ച് ഓപ്പണില് പുറത്തായി. ഭാംബ്രി-ശരണ് സഖ്യം 5-7, 6-3 എന്ന സ്കോറിന് ഒലിവര് മറാക്ക്-മാറ്റ് പാവിക് ജോഡിയോടാണ്്്് അടിയറവ് പറഞ്ഞത്. ഭാംബ്രി നേരത്തെ സിംഗിള്സില് ആദ്യ റൗണ്ടില് തന്നെ പുറത്തായിരുന്നു.
മിക്സഡ് ഡബിള്സില് ജപ്പാന് താരം ഷുക്കോ അയോമയ്ക്കൊപ്പം ശരണ് മത്സരിച്ചെങ്കിലും കത്രിന റെബോട്ടനിക്ക്-സാന്റിയാഗോ സഖ്യത്തോട് 6-2, 3-6, 5-10 എന്ന സ്കോറിന് പരാജയപ്പെട്ടു. ഇന്ത്യയുടെ മറ്റൊരുതാരം ബോപണ്ണ ഇവിടെ കഴിഞ്ഞവര്ഷം മിക്സഡ് ഡബിള്സില് ചാമ്പ്യനായിരുന്നു.
എന്നാല് പങ്കാളി തിമിയ ബാബോസിനൊപ്പം മികവ് പ്രകടിപ്പിക്കാന് ബോപണ്ണയ്ക്ക് ഇത്തവണ കഴിഞ്ഞില്ല. 2-6, 3-6 എന്ന സ്കോറിന് ജോണ് പീര്സ്-ഷുയി ഷാങ് സഖ്യത്തോട് തോറ്റ് ബോപണ്ണ സഖ്യം പുറത്താവുകയായിരുന്നു. കാനഡയുടെ ഗബ്രിയേല ദബ്രോസ്കിയുമായി ചേര്ന്നാണ് ബോപണ്ണ കഴഞ്ഞവര്ഷം കരിയറിലെ ആദ്യ ഗ്രാന്റ്സ്ലാം നേടിയത്. അതേസമയം, ഡബിള്സില് ബോപണ്ണ നാലാം റൗണ്ടില് കടന്നിട്ടുണ്ട്. എഡ്വേര്ഡ് റോജര് വസെലിനുമായി ചേര്ന്നാണ് ബോപണ്ണ ഇവിടെ മത്സരിക്കുന്നത്.