റോജര്‍ ഫെഡററെ ഞെട്ടിച്ച് ഇന്ത്യന്‍ താരം സുമിത് നാഗല്‍; തലയുയര്‍ത്തി മടക്കം, പ്രജ്‌നേഷിനും തോല്‍വി

Valiant Sumit Nagal gives Roger Federer a scare before going down at US Open | Oneindia Malayalam

ന്യൂയോര്‍ക്ക്: യുഎസ് ഓപ്പണ്‍ ടെന്നീസ് ടൂര്‍ണമെന്റില്‍ പങ്കെടുക്കാന്‍ ആദ്യമായി അവസരം ലഭിച്ച ഇന്ത്യന്‍ താരം സുമിത് നാഗല്‍ കാഴ്ചവെച്ചത് തകര്‍പ്പന്‍ പ്രകടനം. ടെന്നീസ് ഇതിഹാസം റോജര്‍ ഫെഡറര്‍ക്കെതിരെ ആദ്യ മത്സരം കളിക്കാനിറങ്ങിയ സുമിത് ആദ്യ സെറ്റ് സ്വന്തമാക്കി എതിരാളിയെ ഞെട്ടിക്കുകതന്നെ ചെയ്തു. ഫെഡററോട് തോറ്റ് പുറത്തായെങ്കിലം തലയുയര്‍ത്തിയാണ് സുമിത് മടങ്ങുന്നത്. സ്‌കോര്‍ 4-6, 6-1, 6-2, 6-4.

റോജര്‍ ഫെഡറര്‍ക്കെതിരെ ഒരു സെറ്റ് സ്വന്തമാക്കിയ സുമിത് ഈ നേട്ടത്തിലെത്തുന്ന ആദ്യ ഇന്ത്യന്‍താരവുമായി. ആദ്യ സെറ്റില്‍ 2-0 എന്ന നിലയില്‍ പിന്നിലായശേഷമാണ് 6-4ന് സുമിത് സെറ്റ് സ്വന്തമാക്കുന്നത്. ഗ്ലാന്‍ഡ്സ്ലാമില്‍ ആദ്യമത്സരം കളിക്കാനിറങ്ങി മുന്‍ ലോക ഒന്നാം നമ്പറെ ഇന്ത്യന്‍ താരം അട്ടിമറിക്കുമെന്ന പ്രതീതിയുളവാക്കിയെങ്കിലും തിരിച്ചടിച്ച ഫെഡറര്‍ പിന്നീട് കളിയില്‍ ആധിപത്യം സ്ഥാപിച്ചു.

sunit-nagal-rogerfederer

യോഗ്യതാ റൗണ്ട് കളിച്ചെത്തിയ സുമിത് ആദ്യ മത്സരം കളിക്കുന്നതിന്റെ യാതൊരു പരിഭ്രമവും ഇല്ലാതെയാണ് ഫെഡററെ നേരിട്ടത്. നീളന്‍ റാലികള്‍ കളിക്കാനും ഫെഡറര്‍ക്ക് ഭീഷണിയുയര്‍ത്താനും കഴിഞ്ഞത് ഇന്ത്യന്‍ താരത്തിന് നേട്ടമായി. മികച്ച കളി കെട്ടഴിച്ച ഇന്ത്യന്‍താരം സ്റ്റേഡിയത്തിലെ ആരാധകരുടെ പ്രിയം പിടിച്ചുപറ്റിയാണ് മടങ്ങിയത്. ഫെഡററും സുമിത്തിന്റെ പ്രകടനത്തെ പ്രകീര്‍ത്തിച്ചു.

ടീം ഇന്ത്യക്കൊപ്പം ധോണി ഇനി എത്ര നാള്‍? ഇനിയും ആശ്രയിക്കണോ? ദാദ പറയുന്നത്...

യുഎസ് ഓപ്പണില്‍ കളിക്കാനിറങ്ങിയ മറ്റൊരു ഇന്ത്യന്‍ താരമായ പ്രജ്‌നേഷ് ഗുണേശ്വരനും ആദ്യ റൗണ്ടില്‍ പുറത്തായി. റഷ്യയുടെ ഡാനില്‍ മദ്‌വേദേവിനോട് 4-6, 1-6, 2-6 എന്ന സ്‌കോറിനാണ് പ്രജ്‌നേഷ് പരാജയം സമ്മതിച്ചത്. നാല് തവണ ഗ്രാന്‍ഡ്സ്ലാമില്‍ കളിച്ച പ്രജ്‌നേഷിന് നാലുതവണയും ആദ്യ റൗണ്ട് കടക്കാനായില്ല. ലോക റാങ്കിങ്ങില്‍ ആദ്യ നൂറിനുള്ളില്‍ ഇടം നേടാന്‍ കഴിഞ്ഞതാണ് പ്രജ്‌നേഷിന് ഗ്രാന്‍ഡ്സ്ലാമില്‍ കളിക്കാന്‍ വഴിതെളിച്ചത്.

For Quick Alerts
ALLOW NOTIFICATIONS
For Daily Alerts

Story first published: Tuesday, August 27, 2019, 11:02 [IST]
Other articles published on Aug 27, 2019
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more