സാംപ്രസിനെ തകര്‍ക്കാന്‍ ഫെഡറര്‍ മുന്നോട്ട്‌

ലണ്ടന്‍: ആറു വിംബിള്‍ഡണ്‍ കിരീടം നേടിയിട്ടുള്ള റോജര്‍ ഫെഡറര്‍ അനായാസം മൂന്നാം റൗണ്ടിലേക്ക്‌. പതിനഞ്ചാം സീഡായ അര്‍ജന്റീനയുടെ യുവാന്‍ മൊണോക്കോ, ഫ്രഞ്ച്‌ ഓപണ്‍ റണ്ണറപ്പ്‌ സാറാ ഇറാനി എന്നിവരും വിംബിള്‍ഡണില്‍ മൂന്നാം റൗണ്ടിലേക്ക്‌ മുന്നേറി.

അതേസമയം വനിതകളില്‍ അഞ്ചാം സീഡായ സാമന്ത സോസ്‌റ്റര്‍ പുറത്തായി. ഹോളണ്ടിന്റെ അകാന്ത റൂസാണ്‌ സാമന്തയ്‌ക്കെതിരെ അപ്രതീക്ഷിത വിജയം വരിച്ചത്‌. സ്‌കോര്‍ 6-2, 0-6, 6-4.

സീഡില്ലാത്ത ഇറ്റാലിയന്‍ താരമായി ഫാബിയോ ഫോഗ്നിനിയെ നേരിട്ടുള്ള സെറ്റുകളില്‍ തകര്‍ത്താണ്‌ മുന്നാം സീഡ്‌ ഫെഡറര്‍ മൂന്നാം റൗണ്ടിലലേക്ക്‌ മുന്നേറിയത്‌. 6-1, 6-3, 6-2 ആണ്‌ സ്‌കോര്‍. നിലവില്‍ പീറ്റ്‌ സാംപ്രസ്‌ മാത്രമാണ്‌ വിംബിള്‍ഡണ്‍ കിരാട നേട്ടങ്ങളുടെ കാര്യത്തില്‍ ഫെഡറര്‍ക്ക്‌ മുന്നിലുള്ളത്‌.

ഫ്രാന്‍സിന്റെ ജെറമി ചാര്‍ഡിയെ കീഴടക്കിയാണ്‌ യുവാന്‍ മൊണോക്കോയുടെ മുന്നേറ്റം (6-2, 3-6, 6-3, 7-6). അമേരിക്കയുടെ കൊകൊ വാന്‍ഡെവെഹിനെ പരാഡയപ്പെടുത്തിയാണ്‌ നിലവിലെ ഫ്രഞ്ച്‌ ഓപണ്‍ റണ്ണറപ്പ്‌ സാറ ഇറാനിയുടെ മുന്നേറ്റം (6-1, 6-3).