യു,എസ് ഓപ്പണ്‍: ഫെഡറര്‍ രണ്ടാം റൗണ്ടില്‍

ന്യൂയോര്‍ക്ക്: യൂ.എസ് ഓപ്പണ്‍ ടെന്നീസ് ചാംപ്യന്‍ഷിപ്പില്‍ അഞ്ചു തവണ ചാംപ്യനായിട്ടുള്ള റോജര്‍ ഫെഡറര്‍ രണ്ടാം റൗണ്ടില്‍ കടന്നു. കൊളംബിയയില്‍ നിന്നുള്ള സാന്റിയാഗോ ജിറാള്‍ഡോയെ 6-4, 6-3, 6-2 എന്ന സ്‌കോറിനാണ് കീഴടക്കിയത്.

വിംബിള്‍ഡണ്‍ ചാംപ്യന്‍ പെട്രെ ക്വിട്ടോവയ്ക്കാണ് യൂ.എസ് ഓപണിലെ ആദ്യ തിരിച്ചടി ലഭിച്ചത്. അഞ്ചാം സീഡായ ചെക് താരത്തിനെ അണ്‍സീഡഡ് താരമായ റൊമാനിയയുടെ അലെക്‌സാണ്ട്ര ഡുള്‍ഗെരു അട്ടിമറിച്ചു. സ്‌കോര്‍: 7-6, 6-3.

2006ലെ ചാംപ്യനായ മരിയ ഷറപ്പോവയ്ക്ക് ബ്രിട്ടിഷ് ടീനേജ് താരം ഹെദര്‍ വാട്‌സണ്‍ കടുത്ത വെല്ലുവിളിയാണുയര്‍ത്തിയത്. ആദ്യം 3-6ന് കീഴടങ്ങിയെങ്കിലും തൊട്ടടുത്ത സെറ്റുകളില്‍ 7-5, 6-3നു തിരിച്ചുവന്നു.