സാനിയ-ഭൂപതി സഖ്യം പുറത്ത്

ന്യൂയോര്‍ക്ക്: യുഎസ് ഓപ്പണ്‍ ടെന്നിസ് ടൂര്‍ണമെന്റിലെ മിക്‌സഡ് ഡബിള്‍സില്‍ നിന്നും ആറാം സീഡായ ഇന്ത്യയുടെ സാനിയ മിര്‍സ-മഹേഷ് ഭൂപതി സഖ്യം ആദ്യ റൗണ്ടില്‍ പുറത്തായി.

ചെക് റിപ്പബ്ലിക്കില്‍ നിന്നു ലൂസിയ-ഫ്രാന്റിസെക്ക് കൂട്ടുകെട്ടിനു മുന്നില്‍ 3-6, 6-7നായിരുന്നു കീഴടങ്ങല്‍.
അതേ സമയം ഫിലിപ്പീന്‍സില്‍ നിന്നുള്ള ട്രീറ്റ് കോണ്‍റാഡിനൊപ്പം ചേര്‍ന്ന ഇന്ത്യയുടെ സോമദേവ് രണ്ടാം റൗണ്ടില്‍ കടന്നു.

റഷ്യയില്‍ നിന്നുള്ള ഇഗോര്‍ ആന്ദ്രേവ്, ഇഗോര്‍ കുനിത്സ്യന്‍ സഖ്യത്തെ 6-3, 6-4നാണ് ഇന്തോ-ഫിലിപ്പിനോ ജോഡി മുട്ടുകുത്തിച്ചത്.മുന്‍ നിരതാരങ്ങളായ നോവാക് ജോകോവിക്കും റോജര്‍ ഫെഡററും വനിതാ വിഭാഗത്തില്‍ സെറീന വില്യംസും കരോലി വൊസ്‌നിയാക്കിയും മൂന്നാം റൗണ്ടിലെത്തിയിട്ടുണ്ട്.