സാനിയ പാകിസ്താന് വേണ്ടി കളിയ്ക്കണം

കറാച്ചി: ഷൊയ്ബ് മാലിക്കുമായുള്ള വിവാഹശേഷം സാനിയ മിര്‍സ പാകിസ്താന് വേണ്ടി കളിയ്ക്കണമെന്ന് പാക് ടെന്നീസ് മേധാവി ദിലാവര്‍ അബ്ബാസ്. ഭര്‍ത്താവിന്റെ രാജ്യത്തെ സാനിയ പ്രതിനിധീകരിക്കുമെന്നു കരുതുന്നതായി ചീഫ് സെനറ്റര്‍ ദിലാവര്‍ അബ്ബാസ് പറഞ്ഞു.

വിവാഹത്തിനുശേഷവും ഇന്ത്യയ്ക്ക് വേണ്ടിയായിരിക്കും കളിക്കുകയെന്ന് സാനിയ നിലപാട് വ്യക്തമാക്കിയ സാഹചര്യത്തിലാണ് പാക് ടെന്നീസ് ഫെഡറേഷന്‍ ഇക്കാര്യം ആവശ്യപ്പെട്ടത്.

സാനിയ മാലിക്കിനെ വിവാഹം ചെയ്യുന്നത് പാക് ടെന്നീസ് ലോകത്തിന് വളരെ സന്തോഷം നല്‍കുന്ന കാര്യമാണ്. ഏഷ്യന്‍ യുവതികള്‍ പരമ്പരാഗതമായി ഭര്‍ത്താവിനെയാണ് പിന്തുടരുന്നത്. എന്നെങ്കിലും ഒരിക്കല്‍ മാലിക്കിനാല്‍ പ്രചോദിതനായി അവര്‍ പാക്കിസ്ഥാന് വേണ്ടി കളിക്കുമെന്ന് പ്രതീക്ഷിക്കുന്നു.

ഇന്ത്യയ്ക്ക് വേണ്ടി കളിക്കുകയാണെങ്കില്‍ തന്നെ പാക് ടെന്നീസിനു സഹായകമായ നിര്‍ദേശങ്ങള്‍ സാനിയയില്‍ നിന്നു പ്രതീക്ഷിക്കുന്നതായി ദിലാവര്‍ പറഞ്ഞു.