സാനിയ മിര്‍സ പാരീസ് ഓപ്പണ്‍ ടെന്നീസ് രണ്ടാംറൗണ്ടില്‍ കടന്നു

പാരിസ്: ഇന്ത്യയുടെ സാനിയ മിര്‍സ പാരിസ് ഓപ്പണ്‍ ടെന്നീസ് ടൂര്‍ണമെന്റിന്റെ രണ്ടാംറൗണ്ടില്‍ കടന്നു. ആറാം സീഡും 16-ാം റാങ്കുകാരിയുമായ ഫ്ലേവിയ പെന്നെറ്റെയെയാണ് സാനിയ 6-2, 7-6 എന്നീ സെററുകള്‍ക്ക് പരാജയപ്പെടുത്തിയത്.

ഇപ്പോള്‍ ലോകറാങ്കിംഗില്‍ സാനിയ 32-ാം സ്ഥാനത്താണ്. പെന്നെറ്റയടക്കം 20 വരെയുള്ള റാങ്കില്‍ പെടുന്ന മൂന്നുപേരെ സാനിയ പരാജയപ്പെടുത്തിയിട്ടുണ്ട്.

ഡബിള്‍സില്‍ സാനിയ-ഹ്യൂബര്‍ ജോഡി രണ്ടാംറൗണ്ടില്‍ കടന്നിട്ടുണ്ട്.