സാനിയ വിംബിള്‍ഡണില്‍ നിന്നും പുറത്തായി

ലണ്ടന്‍: വിംബിള്‍ഡണ്‍ ടെന്നീസ് ടൂര്‍ണമെന്റിലെ വനിതാ വിഭാഗം സിംഗിള്‍സില്‍ ഇന്ത്യയുടെ സാനിയ മിര്‍സ ആദ്യ റൗണ്ടില്‍ പുറത്തായി. ഏഴാം സീഡായ റഷ്യയുടെ എലീന ഡെമെന്റിയേവയോട് നേരിട്ടുള്ള സെറ്റുകള്‍ക്കാണ് സാനിയ തോറ്റത്. സ്കോര്‍ : 7-6 (7---5), 7-5.

ആദ്യ സെറ്റില്‍ സാനിയ 5-2 എന്ന നിലയില്‍ മുന്നേറുകയായിരുന്നെങ്കിലും തുടര്‍ന്ന് വരുത്തിയ പിഴവുകള്‍ മുതലെടുത്ത് ഡെമെന്റിയേവ തിരിച്ചടിക്കുകയായിരുന്നു. ഡെമെന്റിയേവ സ്കോര്‍ 6-5 എന്ന നിലയിലാക്കിയതിനു ശേഷം സാനിയ സമനില നേടുകയും തുടര്‍ന്ന് ടൈബ്രേക്കറില്‍ പരാജയപ്പെടുകയുമായിരുന്നു.

രണ്ടാമത്തെ സെറ്റിലും സാനിയ ശക്തമായ പോരാട്ടം കാഴ്ച വച്ചെങ്കിലും പിഴവുകള്‍ക്ക് വില കൊടുക്കേണ്ടിവന്നു. ഒരു ഘട്ടത്തില്‍ ഇരുവരും 4-4 എന്ന നിലയിലായിരുന്നു.