പെയസ് സഖ്യം ആസ്ത്രേലിയന്‍ ഓപ്പണ്‍ മെന്‍സ് ഡബിള്‍സ് ഫൈനലില്‍

മെല്‍ബണ്‍: ഇന്ത്യന്‍ താരം ലിയാന്‍ഡര്‍ പെയസും പങ്കാളി മാര്‍ട്ടിന്‍ ദമാമും ആസ്ത്രേലിയന്‍ ഓപ്പണ്‍ ടെന്നീസില്‍ പുരുഷന്മാരുടെ ഡബിള്‍സ് ഫൈനലില്‍ കടന്നു.

പോളണ്ട് ജോഡികളായ മറിയൂസ് ഫൈര്‍സ്റെന്‍ബെര്‍ഗ്, മാര്‍കിന്‍ മാത്കോവിസ്കി എന്നിവരെയാണ് പെയസ് സഖ്യം സെമിയില്‍ പരാജയപ്പെടുത്തിയത്.

മെന്‍സ് ഡബിള്‍സില്‍ ലോകത്തെ ഏഴാംസീഡായ പെയസ്-ദമാം സഖ്യം 6-2, 6-4 എന്നിങ്ങനെയുള്ള നേരിട്ടുളള സെറ്റുകള്‍ക്കാണ് സീഡു ചെയ്യപ്പെടാത്ത എതിരാളികളെ പരാജയപ്പെടുത്തിയത്.