ആസ്‌ത്രലിയന്‍ ഓപ്പണ്‍: പേസ് സഖ്യത്തിന് കിരീടം

മെല്‍ബണ്‍ : ആസ്ത്രേലിയന്‍ ഓപ്പണ്‍ മിക്സ്ഡ് ഡബിള്‍സ് കിരീടം ഇന്ത്യയുടെ ലിയാന്‍ഡര്‍ പെയ്സ് സിംബാബ്വെയുടെ കാര ബ്ലാക്ക് സഖ്യം സ്വന്തമാക്കി.

തുടര്‍ച്ചയായി രണ്ടുതവണയും ഗ്രാന്‍സ്ലാം ഫൈനലില്‍ പരാജയപ്പെട്ട പെയ്സ് - ക്ളാര സഖ്യത്തിന് പുതിയ വിജയം തീര്‍ത്തും മധുരിക്കുന്നതാണ്.

മുപ്പത്തിയാറുകാരനായ പെയ്സിന്റെ പതിനൊന്നാം കിരീടമാണിത്. ഇതില്‍ ആറെണ്ണം പുരുഷന്മാരുടെ ഡബിള്‍സിലാണ്. ഓസ്‌ട്രേലിയന്‍ ഓപ്പണില്‍ ഇത് പെയ്സിന്റെ രണ്ടാമത്തെ കിരീടമാണ്.

ഇവരുടെ ഒന്നാം സീഡ് സഖ്യം പത്താം സീഡായ എകാറ്റെരിന മകറോവ (റഷ്യ) - ജരോസ്ലാവ് ലെവിന്‍സ്കി (ചെക്കോസ്ലൊവാക്യ) സഖ്യത്തെയാണു തോല്‍പിച്ചത് , സ്കോര്‍ 7-5, 6-3.

2008ലെ യുഎസ് ഓപ്പണ്‍ മിക്സ്ഡ് ഡബിള്‍സ് കിരീടം ഇവര്‍ക്കായിരുന്നു. ഈ ജയത്തോടെ ഏറ്റവുമധികം ഗ്രാന്‍സ്ലാം കിരീടം നേടുന്ന ഇന്ത്യക്കാരനെന്ന ഖ്യാതി മഹേഷ് ഭൂപതിക്കൊപ്പം പങ്കിടാന്‍ പെയ്സിനു കഴിഞ്ഞു.