മിയാമി ഓപണ്‍: മുറെ, ജോകോവിക് ക്വാര്‍ട്ടറില്‍

മിയാമി: ലോക ഒന്നാം നമ്പര്‍ താരം നൊവാക് ജൊകോവിക്കും ആന്‍ഡി മുറെയും മിയാമി മാസ്‌റ്റേഴ്‌സ് ടെന്നിസ് ടൂര്‍ണമെന്റിന്റെ ക്വാര്‍ട്ടറില്‍ കടന്നു.

ഫ്രാന്‍സില്‍ നിന്നുള്ള ഗില്ലെസ് സിമോണിനെ 6-3, 6-4 എന്ന സ്‌കോറിനു മറികടന്നാണ് ആന്‍ഡി മുറെ അവസാന എട്ടിലെത്തിയത്.

ജോകോവിക്കാണെങ്കില്‍ റിക്കാര്‍ഡ് ഗാസ്‌ക്വറ്റിന്റെ കടുത്ത എതിര്‍പ്പിനെ മറികടന്നാണ് ക്വാര്‍ട്ടറിലെത്തിയത്. രണ്ടാം സീഡായ സ്പാനിഷ് താരം റാഫേല്‍ നദാല്‍ കീ നിഷികോരിയെ 6-4, 6-4 എന്ന സ്‌കോറില്‍ തോല്‍പ്പിച്ചു.

അടുത്ത റൗണ്ടില്‍ മുറെ സെര്‍ബിയയുടെ ജാന്‍കോ ടിപ്‌സറെവികിനെ നേരിടും. ബള്‍ഗേറിയയുടെ ഗ്രിഗര്‍ ദിമിത്രോവിനെ കീഴടക്കിയാണ് ടിപ്‌സര്‍ ക്വാര്‍ട്ടറിലെത്തിയത്.