പെയ്സിനെ തോല്പിച്ച് ഭൂപതി ഫൈനലില്‍

ദില്ലി: വിംബിള്‍ഡണില്‍ ഫ്രഞ്ച് ഓപ്പണ്‍ ആവര്‍ത്തിച്ചില്ല. ഇക്കുറി വിജയം മഹേഷ് ഭൂപതി-മാക്സ് മിര്‍ണി സഖ്യത്തിന്.

പുരുഷവിഭാഗം ഡബിള്‍സ് സെമിഫൈനലില്‍ ലിയാണ്ടര്‍ പെയ്സ്- ഡേവിഡ് റിക്കിള്‍ സഖ്യത്തെ തോല്പിയ്ക്കുകയായിരുന്നു മഹേഷ് ഭൂപതി- മാക്സ് മിര്‍ണി സഖ്യം. നേരത്തെ ഫ്രഞ്ച് ഓപ്പണ്‍ ടെന്നീസില്‍ ഇരുവരും ഏറ്റുമുട്ടിയപ്പോള്‍ പെയ്സ്-റിക്കിള്‍ സഖ്യമായിരുന്നു വിജയിച്ചത്. ഇക്കുറി വിംബിള്‍ഡണില്‍ മഹേഷ് ഭൂപതി മധുരമായി പ്രതികാരം ചെയ്തു.

പുരുഷവിഭാഗം ഫൈനലില്‍ ഫെഡററും ഫിലിപ്പോസിസും ഏറ്റുമുട്ടും. സെമിയില്‍ ആന്റി റോഡിക്കിനെ തോല്പിച്ചാണ് ഫെഡറര്‍ ഫൈനലില്‍ കടന്നത്. സെബാസ്റ്യന്‍ ഗ്രോസ്ജീനെ തോല്പിച്ചാണ് ഫിലിപ്പോസിസ് ഫൈനലിലെത്തിയത്.