ഏഷ്യാഡ്: ടെന്നീസ് സ്വര്‍ണ്ണം ഇന്ത്യയ്ക്ക്

ബുസാന്‍: ഏഷ്യാഡില്‍ ടെന്നീസ് ഡബിള്‍സില്‍ ഇന്ത്യയ്ക്ക് സ്വര്‍ണ്ണം. ലിയാണ്ടര്‍ പേസ്- മഹേഷ് ഭൂപതി സഖ്യമാണ് ഇന്ത്യയ്ക്ക് ഡബിള്‍സ് കിരീടം നേടിക്കൊടുത്തത്.

തെക്കന്‍ കൊറിയയുടെ ലീ ഹ്യാങ് തെയ്ക്- ചുംഗ് ഹീ സിയോക് സഖ്യത്തെയാണ് ഇവര്‍ ഫൈനലില്‍ അനായാസം പരാജയപ്പെടുത്തിയത്. സ്കോര്‍ 6-2, 6-3.

കുറച്ചുകാലമായി വേര്‍പിരിഞ്ഞ് നില്ക്കുകയായിരുന്ന ലിയാണ്ടര്‍ പേസ്- മഹേഷ് ഭൂപതി സഖ്യം ഏഷ്യാഡില്‍ ഇന്ത്യയ്ക്ക് വേണ്ടി ഒന്നിക്കുകയായിരുന്നു.