പ്രായം 31 മാത്രം, സോംദേവ് ഇനി കളിക്കില്ലെന്ന്!! കാരണം ?

കഴിഞ്ഞ വര്‍ഷം മാര്‍ച്ചില്‍ കാലിഫോര്‍ണിയയില്‍ നടന്ന ഐടിഎഫ് ഫ്യൂച്ചേഴ്‌സ് ടൂര്‍ണമെന്‍റിലാണ് സോംദേവ് അവസാനമായി റാക്കറ്റേന്തിയത്. ടൂര്‍ണമെന്‍റിന്‍റെ ആദ്യറൗണ്ടില്‍ തന്നെ താരം തോറ്റു പുറത്തായിരുന്നു.

എടിപി കിരീത്തിനു തൊട്ടരികിലെത്തിയ ഏക ഇന്ത്യന്‍ താരമാണ് സോംദേവ്. 2009ലെ ചെന്നൈ ഓപണിലായിരുന്നു ഇത്. 2010ലെ കോമണ്‍വെല്‍ത്ത് ഗെയിംസില്‍ സ്വര്‍ണം കരസ്ഥമാക്കിയ താരം 2011ലെ ദക്ഷിണാഫ്രിക്കന്‍ ഓപണില്‍ റണ്ണറപ്പുമായി. 2010ലെ ഏഷ്യന്‍ ഗെയിസില്‍ സിംഗിള്‍സ്, ഡബിള്‍സ് എന്നിവയില്‍ സ്വര്‍ണവും സോംദേവ് രാജ്യത്തിനു സമ്മാനിച്ചു.

2008ലാണ് പ്രഫഷനല്‍ ടെന്നിസിലെ അരങ്ങേറ്റമെങ്കിലും 2009ലെ ചെന്നൈ ഓപണില്‍ റണ്ണറപ്പായതോടയാണ് സോംദേവിന്‍റെ പ്രതിഭ ലോകമറിയുന്നത്. കാര്‍ലോസ് മോയ, ഇവാന്‍ കാര്‍ലോവിച്ച് തുടങ്ങിയ ലോകോത്തര താരങ്ങളെ വീഴ്ത്തിയായിരുന്നു സോംദേവിന്‍റെ ഫൈനല്‍ പ്രവേശനം.

ഡേവിസ് കപ്പില്‍ ഇന്ത്യക്കു വേണ്ടി മിന്നുന്ന പ്രകടനമാണ് സോംദേവ് നടത്തിയിട്ടുള്ളത്. സിംഗിള്‍സിലും ഡബിള്‍സിലുമായി താരം 14 മല്‍സരങ്ങള്‍ കളിച്ചു. 2010ല്‍ ഇന്ത്യ ലോകഗ്രൂപ്പിലേക്കു യോഗ്യത നേടിയപ്പോള്‍ സോംദേവ് നിര്‍ണായക പങ്കുവഹിച്ചിരുന്നു.

2017ല്‍ ഞാനൊരു പുതിയൊരു തുടക്കത്തോടെയാണ് ആരംഭിക്കുന്നത്. പ്രഫഷനല്‍ ടെന്നിസില്‍ ഇനി ഞാന്‍ കളിക്കുന്നില്ല. ഇത്രയും വര്‍ഷങ്ങളായി എനിക്ക് സ്‌നേഹവും പിന്തണയും നല്‍കിയ എല്ലാവരോടും നന്ദിയുണ്ട്- സോംദേവ് ട്വിറ്ററില്‍ കുറിച്ചു.

പരിശീലകറോളില്‍ സോംദേവ് വരാനിടയുണ്ടെന്നാണ് സൂചന. വരാനിരിക്കുന്ന ഡേവിസ് കപ്പില്‍ സീഷാന്‍ അലിക്കു പകരം സോംദേവ് കോച്ചാവാനിടയുണ്ടെന്നാണ് റിപോര്‍ട്ടുകള്‍.