വിവാഹിതയാവുന്ന സെറീനയെ ഡബ്ല്യുടിഎ (വനിതാ ടെന്നിസ് അസോസിയേഷന്) ട്വിറ്റര് അക്കൗണ്ടിലൂടെ അഭിനന്ദിച്ചു. ട്വിറ്റര് അക്കൗണ്ടില് ഇരുവരുടെയും ചിത്രങ്ങളും ഡബ്ല്യുടിഎ പോസ്റ്റ് ചെയ്തിട്ടുണ്ട്. കരിയറില് നിരവധി ഡബ്ല്യുടിഎ കിരീടങ്ങള് സ്വന്തമാക്കിയ താരമാണ് സെറീന.
മറ്റുള്ളവരെ അസൂയപ്പെടുത്തുന്ന കരിയറാണ് സെറീനയുടേത്. വിവിധ ടൂര്ണമെന്റുകളിലായി 71 സിംഗിള്സ് കിരീടങ്ങള് താരം ഇതുവരെ വാരിക്കൂട്ടിക്കഴിഞ്ഞു.
ആധുനിക ടെന്നിസില് ഏറ്റവുമധികം ഗ്രാന്റ്സ്ലാം കിരീടങ്ങള് നേടിയ മുന് ജര്മന് ഇതിഹാസം സ്റ്റെഫി ഗ്രാഫിനൊപ്പമാണ് നിലവില് സെറീനയുടെ സ്ഥാനം. 22 ഗ്രാന്റ്സ്ലാമുകള് താരത്തിന്റെ പേരിലുണ്ട്. രണ്ടെണ്ണം കൂടി നേടിയാല് എക്കാലത്തെയും വലിയ റെക്കോഡിനുടമയായ മാര്ഗരറ്റ് കോര്ട്ടിനൊപ്പം സെറീനയെത്തും.
ഏറ്റവുമധികം കാലം ലോക ടെന്നിസ് റാങ്കിങില് ഒന്നാംസ്ഥാനം അലങ്കരിച്ച സ്റ്റെഫി ഗ്രാഫിന്റെ തന്നെ റെക്കൊഡിനൊപ്പവും സെറീനയെത്തിയിട്ടുണ്ട്. തുടര്ച്ചയായി 186 ആഴ്ചകളാണ് താരം തലപ്പത്തു നിന്നത്. ഈ വര്ഷം സപ്തംബറില് ജര്മനിയുടെ ആഞ്ചലിക് കെര്ബര് സെറീനയെ മറികടന്ന് ഒന്നാംസ്ഥാനത്തെത്തിയിരുന്നു.