റിയോ ഒളിംപിക്‌സ്; ടെന്നീസ് വെങ്കലമെഡല്‍ മത്സരത്തില്‍ സാനിയ സഖ്യം തോറ്റു

റിയോ: റിയോ ഒളിംപിക്‌സ് ടെന്നീസില്‍ ഇന്ത്യയുടെ അവസാന പ്രതീക്ഷയും അസ്തമിച്ചു. മിക്‌സഡ് ഡബിള്‍സില്‍ സെമിയില്‍ തോറ്റ സാനിയ മിര്‍സ രോഹന്‍ ബോപ്പണ്ണ സഖ്യം വെങ്കലമെഡല്‍ മത്സരത്തിലും തോല്‍വി വഴങ്ങി.

ചെക്ക് റിപ്പബ്ലിക്കിന്റെ ലൂസി റൊസോള്‍-റെഡേക്ക് സ്‌റ്റെപ്പനക്ക് സഖ്യമാണ് ഇന്ത്യയുടെ പ്രതീക്ഷകള്‍ തല്ലിക്കെടുത്തിയത്. സ്‌കോര്‍ 6-1, 7-5. നരേത്തെ സെമിഫൈനലില്‍ അമേരിക്കന്‍ ജോഡിയായ വീനസ് വില്ല്യംസ്-രാജീവ് റാം സഖ്യത്തോടാണ് ഇന്ത്യ പരാജയപ്പെട്ടത്.

സെമിഫൈനലിലെ മോശം പ്രകടനം വെങ്കല മെഡല്‍ മത്സരത്തിലും ആവര്‍ത്തിച്ചപ്പോള്‍ ലിയാണ്ടര്‍ പെയ്‌സിന് ശേഷം ഒളിംപിക്‌സ് ടെന്നീസില്‍ ഒരു മെഡല്‍ എന്ന ഇന്ത്യന്‍ സ്വപ്നങ്ങളാണ് ഇല്ലാതായത്.