ഇന്ത്യന്‍ ടെന്നിസില്‍ അസ്തമയമോ? ലിയാണ്ടര്‍ പേസും കളി നിര്‍ത്തുന്നു!!

ടെന്നിസെന്ന ഗെയിമിനോടുള്ള ഇഷ്ടം ഇപ്പോഴും നഷ്ടപ്പെട്ടിട്ടില്ലെന്നും അതുകൊണാണ്ട് മല്‍സരരംഗത്തു തുടരുന്നതെന്നും പേസ് പറഞ്ഞു

ചെന്നൈ ഓപണ്‍ ടെന്നിസ് ചാംപ്യന്‍ഷിപ്പില്‍ പങ്കെടുക്കാനെത്തിയ പേസ് വാര്‍ത്താസമ്മേളനത്തിലാണ് വിമരിക്കല്‍ സംബന്ധിച്ച് സൂചനകള്‍ നല്‍കിയത്.

ഇന്ത്യന്‍ ഡേവിസ് കപ്പ് ടീമിന്റെ ക്യാപ്റ്റന്‍ സ്ഥാനം തന്റെ മുന്‍ ഡബിള്‍സ് പങ്കാളിയായ മഹേഷ് ഭൂപതി അര്‍ഹിക്കുന്നതായി പേസ് വ്യക്തമാക്കി. നിലവില്‍ പേസും ഭൂപതിയും തമ്മില്‍ അത്ര രസത്തിലല്ല.

രാജ്യത്തിനാണ് മുന്‍ഗണനയെന്നും അഹംഭാവത്തിന് സ്ഥാനമില്ലെന്നും പേസ് വ്യക്തമാക്കി. എന്നെ സംബന്ധിച്ചിടത്തോളം ഒട്ടും തന്നെ അഹംഭാവമില്ല. വലിയ നേട്ടങ്ങള്‍ കൈവരിക്കണമെങ്കില്‍ നിങ്ങള്‍ വിദ്യാര്‍ഥിയായി തന്നെയിരിക്കണമെന്നും അദ്ദേഹം അഭിപ്രായപ്പെട്ടു.