ടെന്നിസ് റാങ്കിങ്: ഫെഡറര്‍ മൂന്നാം സ്ഥാനത്തേക്ക് തിരിച്ചെത്തി; ഒന്നാമന്‍ ജോകോവിച്ച് തന്നെ

മാഡ്രിഡ്: മുന്‍ ലോക ഒന്നാം നമ്പറും സ്വിറ്റ്‌സര്‍ലാന്‍ഡ് ഇതിഹാസവുമായ റോജര്‍ ഫെഡററിന് ടെന്നിസ് റാങ്കിങില്‍ മുന്നേറ്റം. തിങ്കളാഴ്ച പുറത്തുവിട്ട എടിപി റാങ്കിങില്‍ ഒരുപടി കയറി മൂന്നാം സ്ഥാനത്തേക്ക് തിരിച്ചെത്തിയിരിക്കുകയാണ് ഫെഡറര്‍.മ്യൂണിക്ക് ഓപ്പണ്‍ ക്വാര്‍ട്ടര്‍ ഫൈനലില്‍ അലെക്‌സാണ്ടര്‍ സെറേവ് തോല്‍വി വഴങ്ങിയതാണ് ഫെഡററിന് നേട്ടമായത്.

കസീയസ് ആശുപത്രി വിട്ടു; ഇനി കളിക്കാനിറങ്ങുന്നകാര്യം സംശയത്തില്‍

മ്യൂണിക്ക് ഓപ്പണ്‍ തോല്‍വിയോടെ സെറേവ് മൂന്നാം റാങ്കിങില്‍ നിന്ന് നാലാം സ്ഥാനത്തേക്ക് പിന്തള്ളപ്പെടുകയായിരുന്നു. റാങ്കിങില്‍ സെര്‍ബിയയുടെ നൊവാക് ജോകോവിച്ച് ഒന്നാം സ്ഥാനത്ത് തുടരുകയാണ്.

11,160 പോയിന്റുമായാണ് ജോകോവിച്ച് തലപ്പത്ത് തുടരുന്നത്. 7,765 പോയിന്റുമായി സ്പാനിഷ് സൂപ്പര്‍ താരം റാഫേല്‍ നദാലാണ് റാങ്കിങില്‍ രണ്ടാമത്. 5,590 പോയിന്റാണ് ഫെഡററിനുള്ളത്.