Click it and Unblock the Notifications
ഡിവില്ലിയേഴ്‌സിന് വാക്കുകൊടുത്തു
സൂപ്പര്‍താരം എബി ഡിവില്ലിയേഴ്‌സ് കളിക്കാതിരുന്ന മത്സരത്തിലായിരുന്നു ബാംഗ്ലൂരിന് ജയം. മത്സരത്തിനിറങ്ങുന്നതിന് മുന്‍പ് താങ്കള്‍ക്കുവേണ്ടി സെഞ്ച്വറി നേടുമെന്ന് ഡിവില്ലിയേഴ്‌സിന് വാക്കുകൊടുത്തിരുന്നെന്ന് വിരാട് കോലി പറഞ്ഞു. അതുകൊണ്ടുതന്നെ സെഞ്ച്വറി നേടിയതില്‍ ഡിവില്ലിയേഴ്‌സിന് അതിയായ സന്തോഷമുണ്ടായിരിക്കും. മത്സരം മാറ്റിമറിച്ച മോയീന്‍ അലിയാണ് തന്നെ സ്വതസിദ്ധമായ കളി കാഴ്ചവെക്കാന്‍ സഹായിച്ചതെന്നും കോലി വ്യക്തമാക്കി.
തകര്‍ത്തടിച്ച് കോലി
ആദ്യ അമ്പത് റണ്‍സ് നേടാന്‍ കോലിക്ക് 40 പന്തുകള്‍ വേണ്ടിവന്നു. എന്നാല്‍, രണ്ടാമത്തെ 50ന് 17 പന്തുകള്‍ മാത്രമാണ് നേരിട്ടത്. 58 പന്തിലായിരുന്നു കോലിയുടെ സെഞ്ച്വറി. ഐപിഎല്ലില്‍ മറ്റൊരു ക്യാപ്റ്റനും 5 സെഞ്ച്വറികള്‍ നേടിയിട്ടില്ല. 6 സെഞ്ച്വറികളുമായി ക്രിസ് ഗെയ്‌ലാണ് മുന്നില്‍. ടീമിന് ഏറ്റവും നിര്‍ണായകമായ സമയത്ത് നേടിയ സെഞ്ച്വറിക്ക് ഏറെ പ്രാധാന്യവുമര്‍ഹിക്കുന്നു.
ബൗളര്‍മാരും മികവുകാട്ടി
ഒരവസരത്തില്‍ ബാംഗ്ലൂര്‍ തോല്‍വി മുന്നില്‍ കണ്ടതാണ്. നിതീഷ് റാണയും ആന്ദ്രെ റസ്സലും തകര്‍ത്തടിച്ചപ്പോള്‍ അവസാന ഓവറുകളില്‍ ബൗളര്‍മാര്‍ കാട്ടിയ മനസ്സാന്നിധ്യം ടീമിന് തുണയായി. നേരത്തെ ഇതേ ടീമിനെതിരെ ബാംഗ്ലൂരില്‍ നടന്ന മത്സരത്തില്‍ മികച്ച സ്‌കോര്‍ നേടിയിട്ടും ആര്‍സിബി തോറ്റിരുന്നു. അന്ന് ബൗളര്‍മാരെ കോലി വിമര്‍ശിച്ചെങ്കിലും ഇത്തവണ ബൗളര്‍മാര്‍ അവസാന ഓവറുകളില്‍ മികവുകാട്ടിയെന്ന് ക്യാപ്റ്റന്‍ പറഞ്ഞു.
