റബാദയ്ക്കുള്ളത് നേരിട്ട് കൊടുക്കും; ബൗളറുടെ വിമര്‍ശനത്തിന് കോലിയുടെ മറുപടി

കോലിക്കെതിരെ റബാദ

കോലി കളിക്കളത്തില്‍ മോശമായി പെരുമാറുന്നെന്നാണ് റബാദയുടെ ആരോപണം. എല്ലാറ്റിനും തുടക്കമിടുന്നത് കോലിയാണെങ്കിലും തിരിച്ച് മറുപടി നല്‍കുമ്പോള്‍ കോലിക്ക് ദേഷ്യംവരുമെന്നും താരം പറഞ്ഞിരുന്നു. അസാധാരണ കളിക്കാരനാണ് കോലിയെങ്കിലും പക്വതിയില്ലായ്മ പ്രകടനമാണ്. കളിക്കളത്തില്‍ വാക്കുളെ നേരിടാന്‍ കോലിക്ക് കഴിയുന്നില്ലെന്നും റബാദ പറഞ്ഞിരുന്നു.

റബാദ് മികച്ച ബൗളര്‍

റബാദയ്‌ക്കെതിരെ ഒട്ടേറെ തവണ കളിച്ചിട്ടുണ്ടെന്ന് കോലി പറഞ്ഞു. അതുകൊണ്ടുതന്നെ എന്തെങ്കിലും കാര്യം പറയാനുണ്ടെങ്കില്‍ നേരിട്ടു സംസാരിച്ചുതീര്‍ക്കാം. പത്രസമ്മേളത്തില്‍ അക്കാര്യം പറയാന്‍ കഴിയില്ല. റബാദ ലോക നിലവാരമുള്ള ബൗളരാണ്. തന്റേതായ ദിവസത്തില്‍ ബാറ്റിങ് നിരയ്ക്ക് ഭീഷണിയുയര്‍ത്താല്‍ റബാദയ്ക്ക് കഴിയുമെന്നും കോലി വ്യക്തമാക്കി.

ബൗളര്‍മാര്‍ക്ക് പരിക്ക്

ഡെയ്ല്‍ സ്‌റ്റെയ്ന്‍, ലുങ്കി എന്‍ഗിഡി എന്നിവര്‍ പരിക്കുമൂലം പുറത്തായതിനാല്‍ ഇന്ത്യയ്‌ക്കെതിരെ കളിക്കുന്നില്ല. സ്റ്റെയ്ന്‍ ലോകകപ്പില്‍നിന്നുതന്നെ പിന്‍വാങ്ങിക്കഴിഞ്ഞു. ആദ്യ രണ്ടു മത്സരങ്ങളും തോറ്റ ദക്ഷിണാഫ്രിക്കയ്ക്ക് കളിക്കാരുടെ പരിക്കും കനത്ത തിരിച്ചടിയാണ്. ബൗളര്‍മാരുടെ പരിക്ക് റബാദയുടെ ജോലിഭാരം വര്‍ധിപ്പിക്കും. ശേഷിക്കുന്ന മത്സരങ്ങളില്‍ ജയിച്ച് ലോകകപ്പില്‍ സജീവമാകാമെന്ന് ദക്ഷിണാഫ്രിക്കയുടെ പ്രതീക്ഷ.