കരാറുകാരന് പുടിന്റെ സുഹൃത്ത്
വോള്ഗയുടെ തീരത്തുള്ള വോള്ഗോഗ്രാഡ് സ്റ്റേഡിയത്തിന്റെ പ്രധാന കരാറുകാരന് റഷ്യന് പ്രസിഡന്റ് വ്ളാദ്മില് പുതിന്റെ അടുത്ത സുഹൃത്താണ്. അതുകൊണ്ടുതന്നെ സ്റ്റേഡിയം പണിതതിലുണ്ടായ അഴിമതി അന്വേഷിക്കുകയോ നടപടിയെടുക്കുകയോ ചെയ്യില്ലെന്നും ഒരു വിഭാഗത്തിന് ആശങ്കയുണ്ട്.
സുരക്ഷാ ക്രമീകരണങ്ങളിലാത്ത സ്റ്റേഡിയം
വമ്പന് ടീമുകള് മത്സരിക്കുന്നതിനാല് പതിനായിരങ്ങള് ഒഴുകിയെത്തുന്ന സ്റ്റേഡിയങ്ങളില് മതിയായ സുരക്ഷാ ക്രമീകരണങ്ങള് ഉണ്ടായിരുന്നില്ലെന്നാണ് തകര്ച്ച വ്യക്തമാക്കുന്നത്. സ്റ്റേഡിയത്തില് കളി നടക്കുന്ന സമയത്തായിരുന്നു തകര്ച്ചയെങ്കില് വലിയ ദുരന്തമാകുമായിരുന്നു. സ്റ്റേഡയത്തില്നിന്നും പുറത്തേക്കുള്ള വെള്ളം ഒഴുകിപ്പോകാനുള്ള നീര്ച്ചാലുകളും വൈദ്യുതിബന്ധവുമെല്ലാം ഒറ്റ മഴയ്ക്കുതന്നെ തകര്ന്നു.
കരാറുകാരുടെ വിശദീകരണം
മണ്ണിടിച്ചലും മഴയും മൂലം സ്റ്റേഡിയത്തിന് കേടുപാടു പറ്റിയെങ്കിലും അത് കാര്യമാക്കേണ്ടതില്ലെന്നാണ് കരാറുകാരുടെ വക്താവ് പറയുന്നത്. ഗുരുതരമായ തകരാറുകള് സംഭവിച്ചിട്ടില്ലെന്നാണ് ഇവരുടെ വാദം. ചില സ്റ്റേഡിയങ്ങളിലേക്കുള്ള വഴികളും റോഡുകളുമെല്ലാം മഴയില് തകര്ന്നിട്ടുണ്ട്. ഇവ ശരിയാക്കിയെടുക്കാമെന്നും ഇവര് പറയുന്നുണ്ട്.
സ്റ്റേഡിയങ്ങള് സംരക്ഷിക്കുമെന്ന് പുതിന്
ലോകകപ്പിനായി കോടികള് ചെലവഴിച്ച് പണിത സ്റ്റേഡിയങ്ങള് സംരക്ഷിക്കുമെന്ന് റഷ്യന് പ്രസിഡന്റ് വ്ളാദ്മില് പുതിന് നേരത്തെ പറഞ്ഞിരുന്നു. സ്റ്റേഡിയം മറ്റു കാര്യങ്ങളായി ഉപയോഗിക്കില്ലെന്നും അദ്ദേഹം അറിയിച്ചു. നേരത്തെ മോസ്കോ ലുഷ്നിക്കി സ്റ്റേഡിയത്തില് ചില മാര്ക്കറ്റുകളും മറ്റും പ്രവര്ത്തിച്ചിരുന്നു. അതേസമയം, സ്റ്റേഡിയങ്ങള് തകരാന് തുടങ്ങിയതോടെ സര്ക്കാര് ചെലവഴിച്ച പണമെല്ലാം പാഴാകുമെന്ന ആശങ്ക ജനങ്ങള്ക്കുണ്ട്.