ദില്ലി: ഇന്ത്യയുടെ ടെന്നീസ് സെന്സേഷന് സാനിയാ മിര്സ അമ്മയാവാനൊരുങ്ങുന്നു. സാനിയക്കും ഭര്ത്താവും പാകിസ്താന് ക്രിക്കറ്റ് താരവുമായ ശുഐബ് മാലിക്കിനും കുഞ്ഞ് ജനിക്കാന് പോവുന്നുവെന്ന വാര്ത്തയാണ് പുറത്തുവരുന്നത്. ഈ വര്ഷം ഒക്ടോബറിലായരിക്കും പുതിയൊരാള് കൂടി ഇരുവരുടെയും കുടുംബത്തിലേക്കു വരുന്നത്. ഏപ്രില് 12ന് സാനിയയും ശുഐബും തങ്ങളുടെ എട്ടാം വിവാഹ വാര്ഷികം ആഘോഷിച്ചിരുന്നു. ഇതിനു പിന്നാലെയാണ് ഇരുവരെയും തേടി പുതിയ സന്തോഷവാര്ത്തയെത്തിയിരിക്കുന്നത്. 2010 ഏപ്രിലിലാണ് സാനിയയും ശുഐബും വിവാഹിതരായത്.
പരിക്കുമൂലം 31 കാരിയായ സാനിയ കഴിഞ്ഞ വര്ഷം ഒക്ടോബര് മുതല് മല്സരരംഗത്തു നിന്നു വിട്ടുനില്ക്കുകയാണ്. സാനിയ തന്നെയാണ് താന് അമ്മയാവാന് പോവുന്നുവെന്ന കാര്യം ട്വിറ്ററിലൂടെ ലോകത്തെ അറിയിച്ചിരിക്കുന്നത്. സാനിയയുടെ പിതാവും കോച്ചുമായ ഇമ്രാനും ഇക്കാര്യം സ്ഥിരീകരിച്ചിട്ടുണ്ട്.
#BabyMirzaMalik 👶🏽❤️ pic.twitter.com/RTYpqok1Vl
— Sania Mirza (@MirzaSania) April 23, 2018
ഐപിഎല്: തിരിച്ചുവരണം മുംബൈക്ക്, തോല്വിക്കു ബ്രേക്കിടാന് ഹൈദരാബാദും... തീപ്പൊരി പാറും
'തന്റെ ആ റെക്കോര്ഡ് തകര്ത്താല് ഷാംപെയിന് പങ്കുവെക്കാം'; കോലിക്ക് സച്ചിന്റെ വാഗ്ദാനം
ഫ്രഞ്ച് ഓപ്പണിലൂടെ ടെന്നീസിലേക്കു തിരിച്ചുവരാനാണ് ശ്രമമെന്നു ഈ വര്ഷമാദ്യം സാനിയ പറഞ്ഞിരുന്നു. അടുത്തിടെ നടന്ന ഗോവന് ഫെസ്റ്റിലാണ് അമ്മയാവാനൊരുങ്ങുന്നതിനെക്കുറിച്ചു താരം സൂചന നല്കിയത്. കുഞ്ഞ് ജനിച്ചാല് തന്റെയും ഭര്ത്താവിന്റെയും പേരിന്റെ അവസാനത്തിലുള്ള മാലിക്ക്- മിര്സ എന്നതു കൂടി ചേര്ത്തായിരിക്കും പേരിടുകയെന്ന് സാനിയ വ്യക്തമാക്കിയിരുന്നു. പെണ്കുഞ്ഞിനെയാണ് ഭര്ത്താവ് ആഗ്രഹിക്കുന്നതെന്നും ടെന്നീസ് സുന്ദരി വെളിപ്പെടുത്തിയിരുന്നു.