Click it and Unblock the Notifications
ഡല്‍ഹി- കെകെആര്‍ മല്‍സരം ഉദാഹരണം
ഡല്‍ഹിയും കൊല്‍ക്കത്ത നൈറ്റൈഡേഴ്‌സും തമ്മിലുള്ള മല്‍സരമാണ് കൈഫ് ഉദാഹരണമായി ചൂണ്ടിക്കാട്ടുന്നത്്. മോശം ഫീല്‍ഡര്‍മാരെ പിന്‍വലിക്കുന്നു, പകരം നല്ല ഫീല്‍ഡര്‍മാര്‍ ഇറങ്ങുന്നു. ഡല്‍ഹി- കെകെആര്‍ മല്‍സരത്തില്‍ നാലോവര്‍ ബൗള്‍ ചെയ്ത ശേഷം പിയൂഷ് ചൗളയെ കെകെആര്‍ പിന്‍വലിച്ചു. പകരം റിങ്കു സിങാണ് ടീമിനായി ഫീല്‍ഡ് ചെയ്തതെന്ന് കൈഫ് ചൂണ്ടിക്കാട്ടുന്നു.
സര്‍ഫ്രാസിന്റെ പരിക്ക് സാരമുള്ളതല്ല
ഡല്‍ഹിയും കിങ്‌സ് ഇലവന്‍ പഞ്ചാബും തമ്മിലുള്ള മല്‍സരത്തിലും ഇതേ കാര്യം തന്റെ ശ്രദ്ധയില്‍ പെട്ടതായി കൈഫ് വ്യക്തമാക്കി. പരിക്കു മൂലം താന്‍ പിന്‍മാറുന്നുവെന്ന് പറഞ്ഞാണ് പഞ്ചാബ് താരം സര്‍ഫ്രാസ് ഖാന്‍ ഗ്രൗണ്ട് വിട്ടത്. പന്ത് അദ്ദേഹത്തിന്റെ ഗ്ലൗസുകളിലാണ് തട്ടിയതെന്നാണ് തോന്നിയത്. ടീമുകള്‍ കളിക്കിടെ ഫീല്‍ഡര്‍മാരെ മാറ്റുന്ന നടപടി ശരിയല്ലെന്നാണ് തന്റെ അഭിപ്രായമെന്നും കൈഫ് കൂട്ടിച്ചേര്‍ത്തു.
മധ്യനിരയുടെ പ്രകടനം
പഞ്ചാബിനെതിരായ കഴിഞ്ഞ മല്‍സരത്തില്‍ അവിശ്വസനീയമാം വിധം തകര്‍ന്ന ഡല്‍ഹി തോല്‍വിയിലേക്കു വീണതില്‍ നിരാശനാണെങ്കിലും ഇതാണ് ഈ ടൂര്‍ണമെന്റെ സൗന്ദര്യമെന്ന് കൈഫ് അഭിപ്രായപ്പെട്ടു.
ഡല്‍ഹിയുടെ മുന്‍നിര ബാറ്റ്‌സ്മാന്‍മാരായ ശിഖര്‍ ധവാന്‍, പൃഥ്വി ഷാ, ശ്രേയസ് അയ്യര്‍, റിഷഭ് പന്ത് എന്നിവര്‍ നല്ല പ്രകടനമാണ് കാഴ്ചവയ്ക്കുന്നത്. എന്നാല്‍ മധ്യനിരയില്‍ നിന്നും മികച്ച പ്രകടനം ടീമിന് ആവശ്യമുണ്ട്. കോളിന്‍ ഇന്‍ഗ്രാം, ക്രിസ് മോറിസ് എന്നിവര്‍ മല്‍സരം ഫിനിഷ് ചെയ്യാന്‍ മിടുക്കുള്ളവരാണ്. അവരില്‍ നിന്നും ടീം കൂടുതല്‍ പ്രതീക്ഷിക്കുന്നതായും കൈഫ് വിശദമാക്കി.
