മികച്ച കളിക്കാരന് ആരായിരിക്കും
ഇന്ത്യയുടെ രോഹിത് ശര്മ, ബംഗ്ലാദേശിന്റെ ഷാക്കിബ് അല് ഹസന്, ഇംഗ്ലണ്ടിന്റെ ജോയ് റൂട്ട് എന്നിവരെല്ലാം ഒപ്പത്തിനൊപ്പമുള്ള പ്രകടനമാണ് കാഴ്ചവെക്കുന്നത്. എന്നാല്, ഇവരൊന്നുമല്ല സ്റ്റീവോയുടെ വിലയിരുത്തലില് മികച്ച താരം. അത് ഓസ്ട്രേലിയയുടെ ആരോണ് ഫിഞ്ച് ആണ്. ഇതിനകം തന്നെ ഫിഞ്ച് എടുത്തുപറയത്തക്ക ഇന്നിങ്സുകള് കാഴ്ചവെച്ചെന്ന് പറഞ്ഞ വോ ശ്രീലങ്കയ്ക്കെതിരെ പുറത്തെടുത്ത 153 റണ്സാണ് ടൂര്ണമെന്റിലെ ഏറ്റവും മികച്ച പ്രകടനമെന്നും വിലയിരുത്തി.
സെമിയിലെത്തുന്ന ടീമുകള്
ഇന്ത്യ, ഓസ്ട്രേലിയ, ഇംഗ്ലണ്ട്, ന്യൂസിലന്ഡ് എന്നീ ടീമുകള് സെമിഫൈനലില് കടക്കുമെന്നാണ് വോയുടെ പ്രവചനം. മറ്റു ടീമുകളുമായി താരതമ്യപ്പെടുത്തി നോക്കുമ്പോള് വലിയ പോയന്റ് വ്യത്യാസമില്ലെങ്കിലും കളിയിലെ മികവുകൊണ്ട് മികച്ച ടീമിനെ അറിയാമെന്ന് വോ പറഞ്ഞു. ഈ ടീമുകള്ക്ക് ഇനി ശേഷിക്കുന്ന മത്സരങ്ങളിലെ എതിരാളികളെ കൂടി വിലയിരുത്തിയാണ് വോയുടെ പ്രവചനം.
സെമിയില് മറ്റു ടീമുകള്ക്കും സാധ്യത
സെമിയിലേക്ക് പ്രവചിക്കപ്പെട്ട ടീമുകള്ക്ക് രണ്ട് വീതം ജയങ്ങള് നേടിയാല് സെമി സ്ഥാനം ഉറപ്പിക്കാം. ഈ ടീമുകളുടെ പ്രകടനം സ്ഥിരതയുള്ളതും ഒറ്റയ്ക്ക് കളിജയിപ്പിക്കാന് ശേഷിയുള്ളവരുടേതുമാണെന്നും വോ ചൂണ്ടിക്കാട്ടി. സ്റ്റീവ് വോയുടെ പ്രവചനപ്രകാരമുള്ള ടീമുകള്ക്കാണ് സാധ്യതയെങ്കിലും അഫ്ഗാനിസ്ഥാന് ഒഴികെയുള്ള ടീമുകള്ക്കെല്ലാം സാങ്കേതികമായി സെമിയിലെത്താനുള്ള സാധ്യത നിലനില്ക്കുന്നുണ്ട്.