മുംബൈയ്ക്കെതിരായ കളിയില് മാറ്റിനിര്ത്തി
മുംബൈ ഇന്ത്യന്സിനെതിരായ മത്സരത്തില് ശ്രീശാന്തിനെ മാറ്റിനിര്ത്തിയപ്പോള് പിന്നീട് അറസ്റ്റിലായ അജിത് ചാന്ദില, അങ്കിത് ചവാന് എന്നിവരുമായി ശ്രീശാന്ത് രഹസ്യമായി സംസാരിക്കുന്നത് ശ്രദ്ധയില്പ്പെട്ടെന്നും അദ്ദേഹം പറയുന്നുണ്ട്. ശ്രീശാന്തിനൊപ്പം ഒത്തുകളിക്കേസില് അറസ്റ്റിലായ കളിക്കാരാണ് ചാന്ദിലയും ചവാനും. ഇവര്തമ്മില് അത്ര നല്ലതല്ലാത്ത ബന്ധമുണ്ടായിരുന്നെന്നാണ് അപ്ടണ് സൂചിപ്പിക്കുന്നത്.
ഒത്തുകളി സൂചന നല്കി കോച്ച്
മുംബൈയ്ക്കെതിരായ മത്സരം കളിക്കാനെത്തിയപ്പോഴാണ് കളിക്കാരെ ദില്ലി പോലീസ് അറസ്റ്റ് ചെയ്യുന്നത്. അന്ന് ചാന്ദിലയെയും ശ്രീശാന്തിനെയും മുംബൈയ്ക്കെതിരെ കളിപ്പിച്ചിരുന്നില്ല. ഇവര് മറ്റൊരു ഹോട്ടലിലായിരുന്നു താമസിച്ചിരുന്നത്. ശ്രീശാന്തും ചാന്ദിലയും പോയതോടെ ഇവരുടെ പദ്ധതി നടപ്പാക്കാന് ചവാനെ ഏര്പ്പാടാക്കിയിരിക്കാമെന്നാണ് മുന് പരിശീലകന് സൂചിപ്പിക്കുന്നത്. കളിക്കാരെ പിന്നീട് കോടതി കുറ്റമുക്തരാക്കിയെങ്കിലും ബിസിസിഐ ആജീവനാന്ത വിലക്ക് ഏര്പ്പെടുത്തിയിരുന്നു.
ഗൗതം ഗംഭീറിനും വിമര്ശനം
ഗൗതം ഗംഭീറിനെയും അപ്ടന്റെ പുസ്തകത്തില് വിമര്ശിക്കുന്നുണ്ട്. ഗംഭീറിന്റെ മാനസികനില ശരിയല്ലായിരുന്നെന്നാണ് മുന് പരിശീലകന് പറയുന്നത്. മാനസികമായി ഏറ്റവും അസ്ഥിരമായ വ്യക്തിത്വതമുള്ള താരമാണ് ഗംഭീറെന്ന് അപ്ടണ് പറയുന്നു. ഗംഭീറിന്റെ മാനസികാവസ്ഥ വളരെ നെഗറ്റീവാണ്. മാത്രമല്ല ശുഭാപ്തി വിശ്വാസം അദ്ദേഹത്തിനു കുറവാണെന്നും അപ്ടണ് കുറിച്ചു.