Click it and Unblock the Notifications
മത്സരം തോറ്റിരുന്നെങ്കിലോ
ഈ മത്സരം ഇന്ത്യ തോറ്റിരുന്നെങ്കില് അത് വലിയ രീതിയിലുള്ള സംശയത്തിന് ഇടയാക്കുമായിരുന്നെന്ന് അക്തര് പറഞ്ഞു. വ്യാപകമായ രീതിയില് ടീമിനെതിരെ വിമര്ശനവും തെറ്റായ വാര്ത്തകളും പ്രചരിക്കുകമായിരുന്നു. വാര്ത്തകള് പൊലിപ്പിക്കാനായി കാത്തിരിക്കുകയാണ് ആളുകള്. ഇത്തരമൊരു സാഹചര്യത്തില് ഇന്ത്യ തോറ്റിരുന്നെങ്കില് എന്താകുമായിരുന്നു സ്ഥിതിയെന്നും അക്തര് പറയുന്നുണ്ട്.
ധോണിക്ക് വിമര്ശനം
മത്സരം ഒത്തുകളിച്ചതാണെന്നുള്പ്പെടെയുള്ള വാര്ത്തകള് പ്രചരിച്ചേക്കുമെന്ന സൂചനയാണ് അക്തര് തരുന്നത്. ഇന്ത്യയുടെ മോശം പ്രകടനത്തിനുനേരെ മുന് പാക് താരം വിമര്ശനം ഉന്നയിച്ചു. എംഎസ് ധോണിക്ക് വേണ്ടവിധം ബാറ്റ് ചെയ്യാനായില്ലെന്ന് അക്തര് പറഞ്ഞു. മത്സരത്തില് 52 പന്തുകള് നേരിട്ട ധോണിക്ക് 28 റണ്സ് മാത്രമായിരുന്നു നേടാനായത്. ഇതിനെതിരെ സച്ചിന് ടെണ്ടുല്ക്കറും പ്രതികരിച്ചിരുന്നു.
ഇന്ത്യ പാഠം പഠിക്കണം
പിച്ചില് സ്പിന്നര്മാര്ക്ക് ആനുകൂല്യം ഉണ്ടായിരുന്നതായി അക്തര് സമ്മതിച്ചു. എന്നാല്, കൂടുതല് ഡോട്ട് ബോളുകള് വഴങ്ങിയത് ഇന്ത്യയ്ക്ക് തിരിച്ചടിയാകുമായിരുന്നു. ഇന്ത്യന് ബാറ്റിങ് തുറന്നുകാട്ടപ്പെട്ട മത്സരം കൂടിയാണിത്. ഇന്ത്യ കളിജയിച്ചത് എന്തായാലും ആശ്വാസകരമാണ്. അഫ്ഗാനെതിരായ മത്സരം ഇന്ത്യന് നിരയ്ക്കുള്ള മുന്നറിയിപ്പാണെന്നും അക്തര് വ്യക്തമാക്കി.
Continue with Google