തന്റെ സല്യൂട്ട് അനുകരിച്ച ഷമിക്ക് ഹിന്ദിയില്‍ മറുപടി പറഞ്ഞ് ഷെല്‍ഡന്‍ കോട്രെല്‍

കോട്രെലിനെ അനുകരിച്ച് ഷമി

കോട്രെലിന്റെ സല്യൂട്ട് ആഹ്ലാദ പ്രകടനത്തെ ഷമി പരിഹസിച്ചതാണെന്ന ആരോപണം ട്വിറ്ററില്‍ പ്രചരിച്ചിരുന്നു. പലരും ഷമിയെ വിമര്‍ശിക്കുകയും ചെയ്തു. എന്നാല്‍, വിഷയത്തില്‍ യാതൊരു പരാതിയുമില്ലെന്നാണ് ഇപ്പോള്‍ കോട്രെലിന്റെ പ്രതികരണം. മാത്രമല്ല, അത് തമാശരൂപേണ കാണാന്‍ വിന്‍ഡീസ് പേസര്‍ തയ്യാറാുകയും ചെയ്തതോടെ ഇതുസംബന്ധിച്ച വിവാദത്തിനും അവസാനമായി.

ഷമിക്ക് കോട്രെലിന്റെ മറുപടി

ഷമിയുടെ സല്യൂട്ടിന് ഹിന്ദിയിലാണ് കോട്രെല്‍ മറുപടി നല്‍കിയത്. നല്ല തമാശയാണത് എന്നും മികച്ച പന്തേറായിരുന്നെന്നും കോട്രെല്‍ പറഞ്ഞു. കൂടാതെ അനുകരണം തനിക്ക് ലഭിക്കുന്ന ബഹുമതിയാണന്ന് ഹിന്ദിയില്‍ പറയുകകൂടി ചെയ്തു കോട്രെല്‍. കോട്രെലിന്റെ നിലപാടിന് സോഷ്യല്‍ മീഡിയയില്‍ കൈയ്യടിയും ഉയര്‍ന്നു. ലോകകപ്പില്‍ നിന്നും പുറത്തായെങ്കിലും കോട്രെല്‍ ഉള്‍പ്പെടെയുള്ള വിന്‍ഡീസ് ബൗളര്‍മാര്‍ മികച്ച പ്രകടനമാണ് ഇത്തവണ കാഴ്ചവെച്ചത്.

സല്യൂട്ടിന് പിന്നലെ കഥ

കോട്രെല്‍ തന്റെ സല്യൂട്ടിന്റെ പിന്നിലുള്ള കഥ നേരത്തെ വെളിപ്പെടുത്തിയിരുന്നു. പ്രൊഫഷണലി ഒരു സൈനികനാണ് കോട്രെല്‍. സല്യൂട്ട് ചെയ്യുന്നത് ജമൈക്കന്‍ ഫോഴ്‌സിനുള്ള ബഹുമാനമാണ്. ഓരോ വിക്കറ്റ് വീഴ്ത്തിയാലും താനിത് ചെയ്യും. സൈനിക പരിശീലനത്തിന്റെ ഭാഗമായി ആറുമാസം ഇത് ചെയ്തതാണെന്നും കോട്രെല്‍ പറയുന്നു.