പിറന്നാള്‍ ആശംസയുമായെത്തിയ വിനോദ് കാംബ്ലിയെ ട്രോളി സച്ചിന്‍

കാംബ്ലിയുടെ പിറന്നാള്‍ ആശംസ

എന്നാലിപ്പോള്‍ സച്ചിന് 46-ാം പിറന്നാള്‍ ആശംസയുമായെത്തിയ കാംബ്ലിക്ക് തമാശരൂപേണെ സച്ചിന്‍ നല്‍കിയ മറുപടി സോഷ്യല്‍ മീഡിയയില്‍ വൈറലായി മാറിയിരിക്കുകയാണ്. ഒരു പഴയ ബോളിവുഡ് ഗാനം ആലപിച്ച് ഒടുവിലായി ഹാപ്പി ബര്‍ത്ത് ഡേ മാസ്റ്റര്‍ ബ്ലാസ്റ്റര്‍ എന്ന് പറഞ്ഞവസാനിപ്പിക്കുകയായിരുന്നു കാംബ്ലി. സുഹൃത്തിനോടുള്ള എല്ലാ സ്‌നേഹവും വരച്ചിടുന്നതായിരുന്നു കാംബ്ലിയുടെ ആശംസ.

സച്ചിന്റെ ട്രോള്‍

ഗാനം മികച്ചതായിരുന്നെന്നായിരുന്നു സച്ചിന്റെ പ്രതികരണം. ആശംസകള്‍ക്ക് നന്ദി. താങ്കളുടെ താടി നരച്ചിരിക്കുമ്പോള്‍ എങ്ങിനയാണ് പുരികം മാത്രം കറുത്തിരിക്കുന്നത് എന്നാണ് താന്‍ ആശ്ചര്യപ്പെടുന്നതെന്നും സച്ചിന്‍ കാംബ്ലിയോട് ചോദിക്കുന്നുണ്ട്. ഫ്രീക്കന്‍ സ്റ്റൈലില്‍ ചെറിയ നരച്ച താടിയുമായെത്തിയ കാംബ്ലിയുടെ പുതിയ ലുക്കിനെ ട്രോളുകയായിരുന്നു സച്ചിന്‍.

കാംബ്ലി സച്ചിന്‍ കൂട്ടുകെട്ട്

കാംബ്ലിയുടെ ആശംസയും സച്ചിന്റെ മറുപടിയും ആരാധകരും ഏറ്റെടുത്തിട്ടുണ്ട്. ഇരുവരും വീണ്ടും സൗഹൃദത്തിലാകുന്നതിനെ ആരാധകര്‍ കൈയ്യടിയോടെ സ്വീകരിച്ചു. രണ്ടുപേരുടെയും പഴയ ചിത്രങ്ങളും ആരാധകര്‍ ട്വീറ്റില്‍ പങ്കുവെച്ചിട്ടുണ്ട്. 1988ല്‍ ശാരദാശ്രം വിദ്യാമന്ദിറിനുവേണ്ടി ഹാരീസ് ഷീല്‍ഡ് ക്രിക്കറ്റ് ടൂര്‍ണമെന്റിലായിരുന്നു കാംബ്ലിയും സച്ചിനും റെക്കോര്‍ഡ് കൂട്ടുകെട്ട് പടുത്തുയത്തിയത്. സച്ചിന്‍ 326 റണ്‍സും കാംബ്ലി 349 റണ്‍സുമെടുത്ത് പുറത്താകാതെ നിന്നപ്പോള്‍ 664 റണ്‍സിന്റെ കൂട്ടുകെട്ടുമായാണ് ഇവര്‍ ചരിത്രത്തിലേക്ക് നടന്നുകയറിയത്.