സ്വര്ഗവും സമ്പന്നമാവും
അച്രേക്കര് സാറിന്റെ സാന്നിധ്യത്തിനു സ്വര്ഗത്തിലെയും ക്രിക്കറ്റിനെ സമ്പന്നമാക്കുമെന്നു
സച്ചിന് ട്വിറ്ററില് കുറിച്ചു. മറ്റു വിദ്യാര്ഥികളെപ്പോലെ ക്രിക്കറ്റിന്റെ എബിസിഡി താനും പഠിച്ചത് സാറിന്റെ ശിക്ഷണത്തിലൂടെയാണ്. ജീവിതത്തില് അദ്ദേഹമുണ്ടാക്കിയ സ്വാധീനം വാക്കുകളിലൂടെ വിവരിക്കാന് കഴിയില്ല. സാര് നല്കിയ അടിത്തറയ്ക്കു മുകളിലാണ് താനിപ്പോള് നില്ക്കുന്നതെന്നും സച്ചിന് ട്വീറ്റ് ചെയ്തു.
കഴിഞ്ഞ മാസം സന്ദര്ശിച്ചു
കഴിഞ്ഞ മാസം അദ്ദേഹത്തിന്റെ ചില വിദ്യാര്ഥികള്ക്കൊപ്പം സാറിനെ താന് സന്ദര്ശിച്ചിരുന്നതായി സച്ചിന് കുറിച്ചു. കുറച്ചു സമയം അദ്ദേഹത്തോടൊപ്പം അന്നു ചെലവിടുകയും ചെയ്തു. പഴയ പല കാര്യങ്ങളും ഓര്ത്തെടുത്ത് തങ്ങള് അന്നു ചിരിച്ചതായും സച്ചിന് അനുസ്മരിച്ചു.
ക്രിക്കറ്റില് മാത്രമല്ല ജീവിതത്തിലും കാര്യങ്ങളെ സത്യസന്ധമായി കാണാന് പഠിപ്പിച്ച വ്യക്തിയാണ് അദ്ദേഹം. ഞങ്ങളെയും താങ്കളുടെ ജീവിതത്തിന്റെ ഭാഗമാക്കിയതിനു നന്ദി. താങ്കളുടെ ഉപദേശങ്ങളാണ് തങ്ങളുടെ ജീവിതവും കരിയറും സമ്പമാക്കിയത്. ഇനിയും കൂടുതല് പേരെ സാറിന് പരിശീലിപ്പക്കാന് കഴിഞ്ഞിരുന്നെങ്കില് എന്ന് ആഗ്രഹിച്ചു പോവുന്നതായും സച്ചിന് ട്വിറ്ററില് രേഖപ്പെടുത്തി.
ബിസിസിഐയും അനുശോചിച്ചു
ബിസിസിഐയും അച്രേക്കറുടെ വിയോഗത്തില് അനുശോചനം രേഖപ്പെടുത്തി. ദ്രോണാചാര്യ അവാര്ഡ് ജേതാവായ ഗുരു ശ്രീ രമാകാന്ത് അച്രേക്കറുടെ മരണത്തില് അഗാധമായ ദുഖമുണ്ടെന്ന് ബിസിസിഐ ട്വിറ്ററി കുറിച്ചു.
മികച്ച ക്രിക്കറ്റര്മാരെ വളര്ത്തിയെടുക്കുക മാത്രമല്ല അദ്ദേഹം ചെയ്തത്. അവരെ നല്ല മനുഷ്യന്മാരുമാക്കി തീര്ക്കാന് അദ്ദേഹത്തിനു കഴിഞ്ഞു. ഇന്ത്യന് ക്രിക്കറ്റിന് അദ്ദേഹം നല്കിയ സംഭാവനകള് വില മതിക്കാനാവാത്തതാണെന്നു ബിസിസിഐ കുറിച്ചു.