Click it and Unblock the Notifications
ക്രിക്കറ്റിനെ ആഗോളവല്‍ക്കരിക്കണം
ഒരു ക്രിക്കറ്ററെന്ന നിലയില്‍ ഗെയിമിനെ ആഗോളവല്‍ക്കരിക്കണമെന്നാണ് തന്റെ ആവശ്യമെന്ന് സച്ചിന്‍ പറഞ്ഞു.
ഇന്ത്യയുടെ വനിതാ ജിംനാസ്റ്റിക്‌സ് സെന്‍സേഷനായ ദീപ കര്‍മാക്കറിനെക്കുറിച്ചുള്ള പുസ്തകമായ ദി സ്‌മോള്‍ വണ്ടറിന്റെ പ്രകാശനച്ചടങ്ങില്‍ സംസാരിക്കുകയായിരുന്നു അദ്ദേഹം.
2016ലെ ഒളിംപിക്‌സിന് പോയിരുന്നു
2016ലെ റിയോ ഒളിംപിക്‌സിന് താനും പോയിരുന്നതായി സച്ചിന്‍ പറഞ്ഞു. അന്ന് അന്താരാഷ്ട്ര ഒളിംപിക് കമ്മിറ്റി പ്രസിഡന്റായ തോമസ് ബാക്കുമായി കൂടിക്കാഴ്ച നടത്തിയിരുന്നു.
ക്രിക്കറ്റിനെ ഒളിംപിക്‌സില്‍ ഉള്‍പ്പെടുത്തുന്നതിനെ കുറിച്ച് അന്ന് അദ്ദേഹവുമായി സംസാരിച്ചിരുന്നതായും മാസ്റ്റര്‍ ബ്ലാസ്റ്റര്‍ വ്യക്തമാക്കി.
ടീമുകള്‍ക്കു സമയം നല്‍കണം
ക്രിക്കറ്റിനെ ഒളിംപിക്‌സില്‍ ഉള്‍പ്പെടുത്തിയാല്‍ തയ്യാറെടുപ്പ് നടത്തുന്നതിനു വേണ്ടി എല്ലാ ടീമുകള്‍ക്കും സമയം നല്‍കണമെന്നും സച്ചിന്‍ ആവശ്യപ്പെട്ടു. ക്രിക്കറ്റിനെ ഒളിംപിക്‌സിനെ ഉള്‍പ്പെടുത്തണമെന്ന ആവശ്യം താന്‍ ഉന്നയിച്ചപ്പോള്‍ അനുകൂലമായ നിലപാടാണ് തോമസ് ബാക്കിനുമുണ്ടായിരുന്നത്. ക്രിക്കറ്റിനെ ഏതു തരത്തിലാണ് ഒളിംപിക്‌സില്‍ ഉള്‍പ്പെടുത്തുകയെന്ന സംശയമാണ് അദ്ദേഹം പ്രകടിപ്പിച്ചത്. ചിലപ്പോള്‍ അഞ്ചോവര്‍ വീതമുള്ള മല്‍സരമായിരിക്കും ഒളിംപിക്‌സിലുണ്ടാവുകയെന്നും സച്ചിന്‍ പറഞ്ഞു.
