സച്ചിന് ടെണ്ടുല്ക്കറുടെ അഭിപ്രായം
പാക്കിസ്ഥാനെ തോല്പ്പിക്കേണ്ട യഥാര്ഥ സമയമാണിതെന്ന് സച്ചിന് പറഞ്ഞു. ലോകകപ്പില് എക്കാലവും ഇന്ത്യയ്ക്കാണ് മേല്ക്കൈ. ഒരിക്കല്ക്കൂടി അവരെ തോല്പ്പിക്കാനുള്ള അവസരമാണിത്. കളിക്കാതിരുന്നാല് അവര്ക്ക് രണ്ട് പോയന്റ് സമ്മാനിക്കുന്നതിന് തുല്യമാകും അത്. രണ്ട് പോയന്റ് ടൂര്ണമെന്റില് പാക്കിസ്ഥാനെ സഹായിക്കുമെന്നും സച്ചിന് ചൂണ്ടിക്കാട്ടി. അതേസമയം, രാജ്യം എന്തു തീരുമാനമെടുത്താലും താന് പിന്തുണയ്ക്കുമെന്നും സച്ചിന് വ്യക്തമാക്കി.
ബിസിസിഐയുടെ തീരുമാനം
ബിസിസിഐ ഇക്കാര്യത്തില് അന്തിമ തീരുമാനമെടുത്തിട്ടില്ലെന്നാണ് റിപ്പോര്ട്ട്. പാക്കിസ്ഥാനെ വിലക്കാന് ആവശ്യപ്പെട്ട് കത്തയക്കാന് തീരുമാനിച്ചെങ്കിലും അത് അംഗീകരിക്കപ്പെടില്ലെന്ന് ഉറപ്പാണ്. ടൂര്ണമെന്റിന്റെ നിയമപ്രകാരം ഇന്ത്യ കളിച്ചില്ലെങ്കില് നഷ്ടമുണ്ടാകുമെന്നാണ് ബിസിസിഐയുടെ നിലപാട്. അതുകൊണ്ടുതന്നെ ഇന്ത്യ പാക്കിസ്ഥാനെതിരെ കളിക്കണോ വേണ്ടയോ എന്നതില് കേന്ദ്ര സര്ക്കാര് നിലപാടിനാണ് ബോര്ഡ് കാത്തിരിക്കുന്നത്.
ഐസിസിയുടെ നിലപാട്
ഇന്ത്യയും പാക്സ്ഥാനും തമ്മിലുള്ള കളി നടക്കുമെന്നാണ് ഐസിസി അറിയിച്ചത്. ജൂണില് കളി ആരംഭിക്കുമ്പോഴേക്കും ഇപ്പോഴത്തെ പ്രതിഷേധം തണുക്കുമെന്നാണ് ഐസിസിയുടെ പ്രതീക്ഷ. ലോകകപ്പില് കളിച്ച് പാക്കിസ്ഥാനെ തോല്പ്പിക്കണമെന്ന ഒരുവിഭാഗം ഇന്ത്യന് ആരാധകരുടെ ആവശ്യത്തിനും പിന്തുണയേറിവരികയാണ്.