Click it and Unblock the Notifications
രോഹിത്തിനെ ക്യാപ്റ്റനാക്കിയില്ല
ലോകകപ്പില്‍ വിരാട് കോലിയുടെ ക്യാപ്റ്റന്‍സി പരാജയമായിരുന്നെന്ന് വിമര്‍ശനമുണ്ട്. അതുകൊണ്ടുതന്നെ വെസ്റ്റിന്‍ഡീസ് പരമ്പരയില്‍ കോലി മാറി നില്‍ക്കുമെന്നും രോഹിത് ടീം ക്യാപ്റ്റനാകുമെന്നും അഭ്യൂഹമുണ്ടായിരുന്നു. അടുത്തവര്‍ഷം നടക്കാനിരിക്കുന്ന ടി20 ലോകകപ്പ് ലക്ഷ്യംവെച്ചുകൊണ്ട് രോഹിത്തിനെ ക്യാപ്റ്റനാക്കണമെന്ന ആവശ്യം ഉയര്‍ന്നിട്ടുണ്ട്. എന്നാല്‍, വിന്‍ഡീസ് പരമ്പരയില്‍ മാറിനില്‍ക്കാതെ മൂന്ന് ഫോര്‍മാറ്റിലും കോലി തന്നെയാണ് ക്യാപ്റ്റനാകുന്നത്.
ലോകകപ്പിലെ പ്രകടനം
ലോകകപ്പിന്റെ സെമി ഫൈനലിലാണ് കോലിയും രോഹിതും തമ്മിലുള്ള തര്‍ക്കം കൂടുതല്‍ രൂക്ഷമായതെന്ന് സ്ഥിരീകരിക്കാത്ത വാര്‍ത്തകളുണ്ടായിരുന്നു. കോലിയുടെ പല തീരുമാനങ്ങളിലും പാളുകയും ചെയ്തു. ലോകകപ്പില്‍ ഇന്ത്യന്‍ നിരയില്‍ ഏറ്റവും ഗംഭീര പ്രകടനം നടത്തിയത് രോഹിത്തായിരുന്നു. അഞ്ചു സെഞ്ച്വറികളടക്കം റണ്‍സ് വാരിക്കൂട്ടി ലോക റെക്കോര്‍ഡ് സ്ഥാപിച്ച ഹിറ്റ്മാന്‍ ടൂര്‍ണമെന്റിലെ ടോപ്സ്‌കോററുമായിരുന്നു. മറുഭാഗത്ത് ക്യാപ്റ്റനമെന്ന നിലയില്‍ കോലിയുടെ പ്രകടനം അത്ര മികച്ചതായിരുന്നില്ല. അഞ്ചു ഫിഫ്റ്റികള്‍ നേടിയെങ്കിലും ഒരു സെഞ്ച്വറി പോലും കുറിക്കാനാവാതെയാണ് കോലി നാട്ടിലേക്കു മടങ്ങിയത്.
ഇന്ത്യ വെസ്റ്റിന്‍ഡീസ് പരമ്പര
വെസ്റ്റിന്‍ഡീസ് പരമ്പര ഇന്ത്യയെ സംബന്ധിച്ചിടത്തോളം നിര്‍ണായകമാകും. ലോകകപ്പിലെ തോല്‍വി മായ്ച്ചുകളയാന്‍ പരമ്പരയിലെ ജയം അനിവാര്യമാണ്. പരമ്പര തോല്‍ക്കുകയാണെങ്കില്‍ വിരാട് കോലിയുടെ ക്യാപ്റ്റന്‍സിയേയും അത് കാര്യമായി ബാധിക്കും. തിങ്കളാഴ്ച രാത്രിയാണ് ഇന്ത്യന്‍ ടീം അംഗങ്ങള്‍ പരമ്പരയ്ക്കായി അമേരിക്കയിലേക്ക് യാത്ര തിരിക്കുന്നത്. ഫ്‌ളോറിഡയില്‍വെച്ച് ഓഗസ്ത് 3, 4 ദിവസങ്ങളില്‍ വെസ്റ്റിന്‍ഡീസുമായി ടി20 മത്സരം കളിക്കും. ഇതിനുശേഷം വെസ്റ്റിന്‍ഡീസിലേക്ക് ടീം യാത്രയാകും.
