Click it and Unblock the Notifications
ബാറ്റിലെ ലോഗോ
ധോണിയുടെ കരിയറിന്റെ തുടക്കത്തില്‍ ഏറെ സഹായിച്ചിട്ടുള്ള രണ്ട് കമ്പനികളാണ് ഇത്. ഇവരോടുള്ള നന്ദി സൂചകമായിട്ടാണ് ലോകകപ്പില്‍ ലോഗോ പ്രദര്‍ശിപ്പിച്ചത്. രണ്ട് ലോഗോയ്ക്കും ധോണി പ്രതിഫലം ഈടാക്കുന്നുമില്ല. സാധാരണ രീതിയില്‍ ഒരു മത്സരത്തില്‍ 10 മുതല്‍ 15 ലക്ഷം രൂപവരെയാണ് ലോഗോ ഉപയോഗിക്കുന്നതിന് ധോണി വാങ്ങിയിരുന്നത്. നിലവില്‍ ധോണിക്ക് ഇക്കാര്യത്തില്‍ സ്‌പോണ്‍സര്‍മാരില്ലെന്നാണ് റിപ്പോര്‍ട്ട്.
മാനേജര്‍ പറയുന്നത്
വലിയ മനസുള്ളയാളാണ് ധോണിയെന്ന് മാനേജര്‍ അരുണ്‍ പാണ്ഡെ പറഞ്ഞു. ധോണിക്ക് പണത്തിന്റെ ആവശ്യമില്ല. അത് ആവശ്യത്തിലധികം ഇപ്പോഴുണ്ട്. ലോകകപ്പില്‍ വ്യത്യസ്ത ലോഗോ ഉപയോഗിച്ചത് നന്ദിസൂചകമായാണ്. ബാസ് ധോണിയുടെ കരിയറിന്റെ തുടക്കത്തില്‍ ഏറെ സഹായിച്ചിട്ടുണ്ട്. എസ്ജിയും ധോണിക്ക് സഹായങ്ങള്‍ നല്‍കിയ കമ്പനിയാണെന്നും പാണ്ഡെ വ്യക്തമാക്കി.
ധോണിയുടെ പ്രകടനം
അപ്രതീക്ഷിത തീരമാനങ്ങള്‍ കളിക്കളത്തിനകത്തും പുറത്തും എടുത്ത് അമ്പരപ്പിച്ചിട്ടുള്ള താരമാണ് ധോണി. ധോണിയുടെ അത്തരമൊരു നിലപാട് തന്നെയാണ് ഇക്കാര്യത്തിലും ഉണ്ടായിരിക്കുന്നത്. ലോകകപ്പില്‍ മോശമല്ലാത്ത പ്രകടനം നടത്തുമ്പോഴും വിമര്‍ശകര്‍ താരത്തിന്റെ വിരമിക്കലിനായി മുറവിളികൂട്ടുകയാണ്. അതേസമയം, ഇപ്പോഴും ലോകത്തിലെ ഏറ്റവും മികച്ച വിക്കറ്റ് കീപ്പര്‍ മറ്റാരുമല്ല. ലോകകപ്പ് സെമി ഫൈനലിലും ഫൈനലിലും ധോണിയുടെ ബാറ്റിങ് മികവ് ഒരിക്കല്‍ക്കൂടി കാണാന്‍ സാധിക്കുമെന്ന പ്രതീക്ഷയിലാണ് ആരാധകര്‍.
