Click it and Unblock the Notifications
കംപ്യൂട്ടറിനേക്കാള് വേഗം
കംപ്യൂട്ടറിനേക്കാള് വേഗമുള്ള ക്രിക്കറ്റ് താരമെന്നാണ് ധോണിയെ അക്തര് വിശേഷിപ്പിച്ചത്.
എന്തൊരു വേഗതയാണ് അദ്ദേഹത്തിന്. സാക്ഷാല് കംപ്യൂട്ടര് പോലും തോറ്റുപോവും. ഒരു പ്രത്യേക വിക്കറ്റില് എങ്ങനെ കളിക്കണമെന്ന് കംപ്യൂട്ടര് മറുപടി നല്കും മുമ്പ് ധോണി മറുപടി നല്കുമെന്ന് താന് വിശ്വസിക്കുന്നതായി സ്വന്തം യൂട്യൂബ് ചാനലില് അക്തര് പറഞ്ഞു.
രാഹുലിനെയും പുകഴ്ത്തി
ധോണിയെ മാത്രമല്ല ഈ ലോകകപ്പില് ഇന്ത്യന് ടീമിലെ നാലാം സ്ഥാനം ഏറെക്കുറെ ഉറപ്പിച്ചു കഴിഞ്ഞ ലോകേഷ് രാഹുലിനെയും അക്തര് പുകഴ്ത്തി. ഒരു ക്രിക്കറ്ററെന്ന നിലയില് രാഹുലിനെ ഏറെ ഇഷ്ടമാണ്. വിരാട് കോലിയുടെ പിന്ഗാമിയാവാന് ശേഷിയുള്ള താരമാണ് അദ്ദേഹം. ഭാവിയില് വളരെ മികച്ച ബാറ്റ്സ്മാനായി രാഹുല് മാറും.
കളിക്കാന് അവസരം ലഭിച്ചില്ലെങ്കില് അതിന്റെ ദേഷ്യം പരിശീലനത്തില് തീര്ക്കാനാണ് ഒരിക്കല് നേരിട്ടു കണ്ടപ്പോള് രാഹുലിനോടു താന് പറഞ്ഞത്. ലക്ഷ്യത്തില് നിന്നും മാറിപ്പോവരുതെന്നും അദ്ദേഹത്തോടെ പറഞ്ഞതായി അക്തര് കൂട്ടിച്ചേര്ത്തു.
മോശമല്ലാത്ത പ്രകടനം
ദക്ഷിണാഫ്രിക്കയ്ക്കെതിരേ ഇന്ത്യ ആറു വിക്കറ്റിനു ജയിച്ച കളിയില് രാഹുല് മോശമല്ലാത്ത പ്രകടനം നടത്തിയിരുന്നു. കളിയില് നാലാമനായി ഇറങ്ങിയ അദ്ദേഹം 26 റണ്സാണ് നേടിയത്. എന്നാല് അതിനേക്കാള് പ്രധാനം രോഹിത് ശര്മയോടൊപ്പം 85 റണ്സിന്റെ കൂട്ടുകെട്ടുണ്ടാക്കിയെന്നതാണ്. ക്യാപ്റ്റന് വിരാട് കോലിയെ നഷ്ടമായ ശേഷം ക്രീസിലെത്തിയ രാഹുല് ഈ കൂട്ടുകെട്ടിലൂടെ ഇന്ത്യക്കു കരുത്തേകുന്നതില് നിര്ണായക പങ്കു വഹിക്കുകയും ചെയ്തിരുന്നു.
Continue with Google