അനുപം മേത്തര്
ഇന്ത്യക്കാരനായ അനുപം മേത്തറും കുടുംബവും ഇതിനായി 22,000 കിലോമീറ്ററാണ് യാത്ര ചെയ്തത്. ഇന്ത്യയുടെ കളികാണുകയെന്ന ഒറ്റലക്ഷ്യം മാത്രമേ ഇവര്ക്ക് ഉണ്ടായിരുന്നുള്ളൂ. കഴിഞ്ഞ ഒന്നരമാസക്കാലം തങ്ങളുടെ ജീവിതത്തില് ഒരിക്കലും വിസ്മരിക്കപ്പെടാത്ത ദിനങ്ങളായിരുന്നെന്നാണ് മേത്തയുടെ കുടുംബത്തിലെ ആറംഗങ്ങളും പറയുന്നത്. തന്റെ ചെറുപ്പം മുതലുള്ള ആഗ്രഹമായിരുന്നു ഇത്രയും നീണ്ട ഡ്രൈവിങ്ങെന്നും മേത്തര് വെളിപ്പെടുത്തി.
സച്ചിന്റെ ആരാധകരന്
സച്ചിന്റെ വലിയൊരു ആരാധകനായ മേത്തര് വളരെ ചെറുപ്പം മുതല്തന്നെ ക്രിക്കറ്റിനോട് ഭ്രമം കൂടിയ വ്യക്തിയാണ്. ഇത്തവണ ലോകകപ്പ് അടുത്തപ്പോള് ബാങ്കിങ് മേഖലയില് ജോലി ചെയ്യുന്ന ഇദ്ദേഹം അവധിയെടുത്തു. ജോലി ചെയ്യുന്ന ഭാര്യയും നീണ്ട അവധിക്ക് അപേക്ഷിച്ചു. ജീവിതത്തിലെ സമ്പാദ്യം ചെലവഴിച്ച് നീണ്ട യാത്ര ചെയ്യാനാണ് തീരുമാനിച്ചത്. ഇന്ത്യ ശ്രീലങ്ക മത്സരത്തിന് തൊട്ടുമുന്പ് ഇംഗ്ലണ്ടിലെത്തിയ ഇദ്ദേഹം ഇന്ത്യയുടെ അപ്രതീക്ഷിത പുറത്താകലില് ദു:ഖത്തിലാണ്.
|
കുടുംബത്തോടൊപ്പമുള്ള യാത്ര
സ്വപ്ന സാക്ഷാത്കാരമായി മാറിയ യാത്രയ്ക്ക് അദ്ദേഹം നന്ദി പറയുന്നത് കുടുംബത്തോടാണ്. ഭാര്യ, രണ്ട് മക്കള്, മാതാപിതാക്കള് എന്നിവര്ക്കൊപ്പമായിരുന്നു യാത്ര. യാത്രയില് ഓരോരുത്തര്ക്കും ഓരോ ചുമതലയും നല്കിയിരുന്നു. പിതാവിനായിരുന്നു ഓരോ രാജ്യത്തെയും വിസ സംബന്ധിച്ച ചുമതല. അമ്മ യാത്രയിലുടനീളം ഭക്ഷണം വിതരണം ഏറ്റെടുത്തു. ഭാര്യ എല്ലാ കാര്യത്തിലും മേല്നോട്ടം വഹിച്ചപ്പോള് മകനായിരുന്നു സംഘത്തെ സന്തോഷിപ്പിച്ചുനിര്ത്തേണ്ട ചുമതല. മകള് വണ്ടിക്ക് വഴികാട്ടിയായതായും മേത്തര് പറഞ്ഞു.