Click it and Unblock the Notifications
സര്‍ക്കാര്‍ തീരുമാനിക്കട്ടെ
ലോകകപ്പില്‍ പാകിസ്താനുമായി ഇന്ത്യന്‍ ടീം കളിക്കുമോയെന്ന കാര്യത്തില്‍ കേന്ദ്ര സര്‍ക്കാര്‍ അന്തിമ തീരുമാനമെടുക്കട്ടെയെയാണ് കപിലിന്റെ അഭിപ്രായം.
നമ്മളെപ്പോലുള്ള ആളുകളല്ല പാകിസ്താനെതിരേ ഇന്ത്യ കളിക്കണമോയെന്ന കാര്യം തീരുമാനിക്കേണ്ടത്. അത് സര്‍ക്കാരിന്റെ പരിധിയില്‍ വരുന്ന കാര്യമാണെന്നും പൂനെയില്‍ ഒരു സ്വകാര്യ പരിപാടിയില്‍ സംബന്ധിക്കവെ കപില്‍ വ്യക്തമാക്കി.
അവരുടെ തീരുമാനം അനുസരിക്കണം
ലോകകപ്പിലെ ഇന്ത്യ- പാകിസ്താന്‍ മല്‍സരവുമായി ബന്ധപ്പെട്ട് അഭിപ്രായം പറയാതിരിക്കുന്നതാണ് ഉചിതം. സര്‍ക്കാരും ബിസിസിഐയെപ്പോലുള്ള ബന്ധപ്പെട്ടവരും ഇക്കാര്യത്തില്‍ തീരുമാനം കൈക്കൊള്ളട്ടെ.
രാജ്യത്തിന്റെ താല്‍പര്യം കൂടി പരിഗണിച്ചായിരിക്കും അവര്‍ തീരുമാനമെടുക്കുകയെന്നുറപ്പുണ്ട്. അവര്‍ ആവശ്യപ്പെടുന്നതു പോലെ ചെയ്യുകയാണ് വേണ്ടതെന്നും കപില്‍ ചൂണ്ടിക്കാട്ടി.
ടിക്കറ്റിന് വന്‍ ഡിമാന്റ്
ജൂണ്‍ 16നു മാഞ്ചസ്റ്ററിലെ ഓള്‍ഡ് ട്രാഫോര്‍ഡില്‍ നടക്കാനിരിക്കുന്ന ഇന്ത്യ- പാക് പോരാട്ടത്തിന്റെ ടിക്കറ്റിന് വിന്‍ ഡിമാന്റാണുള്ളത്. 25,000 പേരെ മാത്രം ഉള്‍ക്കൊള്ളാന്‍ ശേഷിയുള്ള സ്റ്റേഡിയത്തില്‍ മല്‍സരം കാണാന്‍ നാലു ലക്ഷം പേര് ടിക്കറ്റിനായി അപേക്ഷ നല്‍കിയിട്ടുണ്ടെന്ന് ഐസിസി നേരത്തേ അറിയിച്ചിരുന്നു. ലോകകപ്പിന്റെ സെമി ഫൈനല്‍, ഫൈനല്‍ എന്നിവയ്ക്കു പോലും ഇത്രയുമധികം പേര് അപേക്ഷിച്ചിട്ടില്ലെന്നും ഐസിസി ചൂണ്ടിക്കാട്ടിയിരുന്നു.
