ദക്ഷിണാഫ്രിക്കന്‍ ടീം അതു മറന്നോ? രക്ഷിക്കാന്‍ ഇനി അദ്ദേഹമില്ല... ഓര്‍മിപ്പിച്ച് റോഡ്‌സ്

ചിലരെ ആശ്രയിച്ചു മാത്രം ജയിക്കാനാവില്ല

ചില താരങ്ങളെ മാത്രം ആശ്രയിച്ച് ദക്ഷിണാഫ്രിക്കയ്ക്കു മല്‍സരങ്ങള്‍ വിജയിക്കാനാവില്ലെന്നു റോസ്ഡ് തന്റെ ട്വിറ്റര്‍ പേജില്‍ കുറിച്ചു. മോശം ബാറ്റിങാണ് കഴിഞ്ഞ രണ്ടു മല്‍സരങ്ങളിലും ദക്ഷിണാഫ്രിക്കയുടെ പരാജയത്തിനു കാരണമെന്നും അദ്ദേഹം ചൂണ്ടിക്കാട്ടി.
നിങ്ങളുടെ രാജ്യത്തിന് (ദക്ഷിണാഫ്രിക്ക) രണ്ടു പേരുടെ അഭാവമാണ് തിരിച്ചടിയാവുന്നത്. ഇവര്‍ എബി ഡിവില്ലിയേഴ്‌സും ഡെയ്ല്‍ സ്റ്റെയ്‌നുമാണെന്നും റോഡ്‌സ് ട്വീറ്റ് ചെയ്തു.

എബിഡി വിരമിച്ചത് അറിഞ്ഞില്ലേ?

രണ്ടു കളിക്കാരെ മാത്രം ആശ്രയിച്ചു ദക്ഷിണാഫ്രിക്കയ്ക്കു മല്‍സരങ്ങള്‍ ജയിക്കാന്‍ കഴിയില്ല. എബിഡി വിരമിച്ചത് നിങ്ങള്‍ മറന്നോ? രക്ഷിക്കാന്‍ ഇനി അദ്ദേഹത്തെ പ്രതീക്ഷിക്കേണ്ട. ബാറ്റ്‌സ്മാന്‍മാര്‍ വരുന്നു, പോവുന്നു. ഇതാണ് കഴിഞ്ഞ മല്‍സസരങ്ങളില്‍ കണ്ടത്.
മോശം ഷോട്ട് സെലക്ഷനിലൂടെയാണ് പലരും പുറത്തായത്. മികച്ച ബാറ്റിങ് പിച്ചായിട്ടും പല മുന്‍ നിര ബാറ്റ്‌സ്മാന്‍മാരും ബൗള്‍ഡായാണ് മടങ്ങിയതെന്നും റോഡ്‌സ് വിശദമാക്കി.

ശക്തമായി തിരിച്ചുവരും

ആദ്യ രണ്ടു മല്‍സരങ്ങളിലും പിഴച്ചെങ്കിലും ദക്ഷിണാഫ്രിക്ക ശക്തമായി തിരിച്ചുവരുമെന്ന പ്രതീക്ഷയിലാണ് റോഡ്‌സ്. എബിഡിയുടെയും സ്‌റ്റെയ്‌നിന്റെയും അഭാവമാണ് ദക്ഷിണാഫ്രിക്കയ്ക്കു തിരിച്ചടിയാവുന്നതെന്ന് പലരും ചൂണ്ടിക്കാണിക്കുന്നതായി ശ്രദ്ധയില്‍ പെട്ടു. ഇത് ഖേദകരമാണ്. ഇന്നല്ലെങ്കില്‍ നാളെ ഇതു സംഭവിക്കേണ്ടതാണ്. ദക്ഷിണാഫ്രിക്കന്‍ ടീം ഇവരില്ലാതെയും ജയിക്കാന്‍ പഠിക്കണമെന്നും റോഡ്‌സ് ആവശ്യപ്പെട്ടു.
ജൂണ്‍ അഞ്ചിന് ഇന്ത്യക്കെതിരേയാണ് ലോകകപ്പില്‍ ദക്ഷിണാഫ്രിക്കയുടെ അടുത്ത മല്‍സരം. ടൂര്‍ണമെന്റില്‍ ഇന്ത്യയുടെ ആദ്യ കളി കൂടിയാണിത്.