ടി20 ലോകകപ്പ് സമയത്ത് ആന്റി പൈറസി നടപടികൾ ശക്തമാക്കി ജിയോസ്‌റ്റാർ; അനധികൃത ആപ്പുകൾക്ക് പിടിവീഴും

നിലവിൽ പുരോഗമിക്കുന്ന ഐസിസി പുരുഷന്മാരുടെ ടി20 ക്രിക്കറ്റ് ലോകകപ്പ് 2026 സമയത്ത് ആന്റി-പൈറസി നടപടികൾ ശക്തമാക്കി ജിയോസ്‌റ്റാർ. അനധികൃതമായി ജിയോസ്‌റ്റാറിന്റെ പ്രീമിയം ക്രിക്കറ്റ് ഉള്ളടക്കം സ്ട്രീം ചെയ്യുന്ന അനധികൃത ആപ്പുകളും റോഗ് വെബ്സൈറ്റുകളുംക്കെതിരെ ഏകോപിതമായ നടപടി കൈകൊണ്ടിരിക്കുകയാണ് കമ്പനി ഇപ്പോൾ.

കഴിഞ്ഞ കുറച്ച് ആഴ്‌ചകളായി, ജിയോസ്‌റ്റാർ തങ്ങളുടെ ഉള്ളടക്കം- ലൈവ് ഐസിസി ടി20 ലോകകപ്പ് മത്സരങ്ങൾ ഉൾപ്പെടെ-അനുമതിയോ ലൈസൻസോ ഇല്ലാതെ പ്രക്ഷേപണം ചെയ്‌തിരുന്ന അനധികൃത IPTV ആപ്പുകളുടെ ഒരു ശൃംഖലയെ ലക്ഷ്യമാക്കി നടപടി എടുത്തു. വ്യാപകമായി ഉപയോഗിച്ചിരുന്ന XCIPTV, Televizo, IPTV Smarters Pro, VU IPTV Player, XTV Ultra IPTV Media Player തുടങ്ങിയ IPTV പ്ലെയർ ആപ്പുകൾ ഗൂഗിൾ പ്ലേ സ്‌റ്റോറിൽ നിന്ന് നീക്കം ചെയ്‌തിട്ടുണ്ട്‌.

ഗൂഗിൾ പ്ലേയും ഐഒഎസ് പ്ലാറ്റ്‌ഫോമുകളും ഉൾപ്പെടെ മൊത്തം 36 ലംഘന ആപ്പുകൾക്കെതിരായ വലിയ നടപടിയുടെ ഭാഗമായാണ് ഇത് നടന്നത്. ഈ ആപ്പുകൾക്ക് ലോകമെമ്പാടുമായി ചേർന്നാൽ 2.61 കോടിയിലധികം ഡൗൺലോഡുകൾ ഉണ്ടായിരുന്നുവെന്ന് കണ്ടെത്തിയിട്ടുണ്ട്. ഈ ആപ്പ്-തലത്തിലുള്ള നടപടി, മുൻപ് ജിയോസ്‌റ്റാർ സംഘടിപ്പിച്ച ക്രിമിനൽ നടപടികളുടെ തുടർച്ചയാണ്.

കഴിഞ്ഞ വർഷം ജിയോസ്റ്റാർ നടത്തിയ നടപടികളുടെ ഫലമായി ലോകമെമ്പാടുമുള്ള ലക്ഷക്കണക്കിന് ഉപയോക്താക്കൾ ഉപയോഗിച്ചിരുന്ന വലിയ തോതിലുള്ള ഒരു അനധികൃത IPTV പ്രവർത്തനം അടച്ചുപൂട്ടാൻ സാധിച്ചിരുന്നു. ഇതിനൊപ്പം, ഡൽഹി ഹൈക്കോടതി നൽകിയ ഡൈനാമിക് ഇൻജങ്ഷന്റെ അടിസ്ഥാനത്തിൽ ടൂർണമെന്റിനിടെ ജിയോസ്‌റ്റാർ ലോകമെമ്പാടുമായി 141 പൈറസി വെബ്സൈറ്റുകൾ സസ്‌പെൻഡ് ചെയ്‌തു.

ഇതിലൂടെ ഏകദേശം 1.22 കോടി അനധികൃത ട്രാഫിക് സംഭവങ്ങൾ തടയപ്പെട്ടുവെന്നാണ് കണക്കുകൾ വ്യക്തമാക്കുന്നത്. കൂടാതെ അനധികൃത സ്ട്രീമുകൾ പ്രക്ഷേപണം ചെയ്‌തിരുന്ന 279 വെബ്സൈറ്റുകൾ, ഏകദേശം 20 ലക്ഷത്തിലധികം ട്രാഫിക് കൈകാര്യം ചെയ്‌തിരുന്നവ, അതേ കോടതി ഉത്തരവിന്റെ അടിസ്ഥാനത്തിൽ ഐഎസ്‌പി തലത്തിൽ ബ്ലോക്ക് ചെയ്‌തിട്ടുമുണ്ട്‌.

ഡൊമെയ്ൻ തലത്തിലും ആപ്പ് സ്‌റ്റോർ തലത്തിലും നടന്ന നടപടികൾക്ക് പുറമെ, ജിയോസ്‌റ്റാറിന്റെ ആന്റി-പൈറസി ടീം 15 അധിക മൂന്നാം കക്ഷി ആപ്പുകൾക്കെതിരെ തത്സമയം നടപടികൾ എടുത്തു. ഇതിലൂടെ ഏകദേശം 1.15 കോടി പൈറസി ട്രാഫിക് സംഭവങ്ങൾ ബാധിച്ചു. ഇത്തരത്തിലുള്ള ഇടപെടലുകളുടെ പ്രധാന ലക്ഷ്യം നിയമാനുസൃത പ്രേക്ഷകരെ ജിയോസ്‌റ്റാർ / ജിയോഹോട്ട്സ്‌റ്റാർ പ്ലാറ്റ്‌ഫോമുകളിലേക്ക് തിരിച്ച് നയിക്കാനാണ്.

ലൈവ് സ്പോർർട്‌സ് ഇവന്റുകൾക്കിടെ ബ്രോഡ്‌കാസ്‌റ്റ് റിപ്രൊഡക്ഷൻ അവകാശങ്ങൾ സംരക്ഷിക്കുന്നതിനുള്ള സാങ്കേതിക പിന്തുണയുള്ള ദീർഘകാല സമീപനത്തിന്റെ ഭാഗമായാണ് ഈ ഏകോപിത നടപടികൾ. വെബ്സൈറ്റുകൾ, ആപ്പുകൾ, ഇടനില പ്ലാറ്റ്‌ഫോമുകൾ എന്നിവയിൽ ശക്തമായ നിയന്ത്രണങ്ങൾ നടപ്പാക്കുന്നതിലൂടെ, ഔദ്യോഗിക പ്ലാറ്റ്‌ഫോമുകളിലൂടെ ക്രിക്കറ്റ് കാണുന്ന ആരാധകർക്ക് സുരക്ഷിതവും നിയമാനുസൃതവുമായ ഡിജിറ്റൽ കാണൽ അന്തരീക്ഷം ഉറപ്പാക്കാൻ കമ്പനി ശ്രമിക്കുന്നു.