അവസാന ഓവറുകളില് കൂട്ടത്തകര്ച്ച
അവസാന എട്ടു റണ്സിനിടെ ഡല്ഹി 7 വിക്കറ്റുകളാണ് കളഞ്ഞുകുളിച്ചത്. ഹാട്രിക്ക് അടക്കം നാലു വിക്കറ്റ് നേടിയ സാം കറന് തന്നെ കോടികള് നല്കി വാങ്ങിയ ടീമിനോട് നീതിപുലര്ത്തി. ക്യാപ്റ്റന് ആര് അശ്വിനും മുഹമ്മദ് ഷമിയും ചേര്ന്ന് രണ്ട് വീതം വിക്കറ്റുകളും വീഴ്ത്തിയതോടെ ഡല്ഹി ജയിച്ച മത്സരം പഞ്ചാബിന് അടിയറവെക്കുകയായിരുന്നു.
നിരാശാജനകമെന്ന് ക്യാപ്റ്റന്
തീര്ത്തും നിരാശാജനകമായ തോല്വിയെന്നാണ് മത്സരശേഷം ഡല്ഹി ക്യാപ്റ്റന് ശ്രേയസ് അയ്യര് പറഞ്ഞത്. 16.3 ഓവറില് 3 വിക്കറ്റ് നഷ്ടത്തില് 144 എന്ന നിലയിലായിരുന്ന ടീമാണ് 14 റണ്സിന് തോറ്റതെന്നത് ഏപ്രില് ഫൂള് പോലെ അവിശ്വസനീയമായിരുന്നു. 50 റണ്സിലധികം കൂട്ടുകെട്ടുണ്ടാക്കിയ കോളിന് ഇന്ഗ്രാമും ഋഷഭ് പന്തും വിക്കറ്റ് വലിച്ചെറിഞ്ഞതാണ് അവസാന ഓവറുകളില് ബാറ്റ്സ്മാന്മാര്ക്ക് സമ്മര്ദ്ദമേറ്റിയത്.
ഐപിഎല് ചരിത്രത്തിലെ ബാറ്റിങ് തകര്ച്ച
ഐപിഎല് ക്രിക്കറ്റ് ചരിത്രത്തിലെ തന്നെ ഏറ്റവും ദയനീയമായ ബാറ്റിങ് തകര്ച്ചകളിലൊന്നിനാണ് കഴിഞ്ഞദിവസം മൊഹാലി സ്റ്റേഡിയം സാക്ഷിയായത്. 16 ഓവര് വരെ യാതൊരു ജയപ്രതീക്ഷയുമില്ലാതിരുന്ന പഞ്ചാബ് സ്വന്തം കാണികള്ക്ക് മുന്നില് ഉയര്ത്തെഴുന്നേല്ക്കുകയായിരുന്നു. ജയത്തോടെ നാലു കളികളില് നിന്ന് മൂന്ന് ജയം സ്വന്തമാക്കാനും പഞ്ചാബിന് കഴിഞ്ഞു.