സൗത്ത് ആഫ്രിക്കയ്‌ക്കെതിരെ ഇന്ത്യയുടെ സാധ്യതാ ടീം; ഒരു സ്ഥാനത്തിനായി രണ്ടുപേര്‍ മത്സരം

ആദ്യ അഞ്ചു സ്ഥാനങ്ങള്‍

ആദ്യ അഞ്ചു സ്ഥാനങ്ങളിലേക്കുള്ള കളിക്കാരെ സംബന്ധിച്ച് ഇന്ത്യയ്ക്ക് ആശങ്കകളുണ്ടാകില്ല. ഓപ്പണര്‍മാരായി ശിഖര്‍ ധവാനും രോഹിത് ശര്‍മയും തന്നെ ഇറങ്ങും. മൂന്നാമനായി വിരാട് കോലി ഉറപ്പിക്കുമ്പോള്‍ നാലാം സ്ഥാനത്ത് കെഎല്‍ രാഹുല്‍ തന്നെയാകും. അഞ്ചാം സ്ഥാനത്ത് എംസ് ധോണി ബാറ്റിങ്ങിനിറങ്ങും. അതേസമയം ആറാം സ്ഥാനത്തേക്ക് ആരായിരിക്കും എന്ന കാര്യത്തില്‍ വ്യക്തതയില്ല.

കേദാറും ജഡേജയും തമ്മില്‍ മത്സരം

ഓള്‍ റൗണ്ടര്‍ ഹാര്‍ദിക് പാണ്ഡ്യ ടീമില്‍ സ്ഥാനം ഉറപ്പിച്ചിട്ടുണ്ട്. പാണ്ഡ്യ ആറാമനോ ഏഴാമനോ ആയിട്ടാകും ഇറങ്ങുക. കേദാര്‍ ജാദവ് കളിക്കുകയാണെങ്കില്‍ ആറാം സ്ഥാനത്ത് ബാറ്റിങ്ങിനിറങ്ങും. രവീന്ദ്ര ജഡേജയാണെങ്കില്‍ പാണ്ഡ്യയ്ക്ക് പിന്നില്‍ ഏഴാമനാകാനാണ് സാധ്യത. കേദാര്‍ ജാദവും രവീന്ദ്ര ജഡേജയും തമ്മില്‍ ആയിരിക്കും ആദ്യ ഇലവനില്‍ കയറിക്കൂടാന്‍ പ്രധാനമത്സരം.

ബൗളര്‍മാരിലും പരീക്ഷണം

ദക്ഷിണാഫ്രിക്കയുടെ ദൗര്‍ബല്യം മുതലെടുക്കാന്‍ യുസ്‌വേന്ദ്ര ചാഹലിനേയും കുല്‍ദീപ് യാദവിനേയും കളിപ്പിക്കാന്‍ ഇടയുണ്ട്. അങ്ങിനെവന്നാല്‍ ഒരു പേസര്‍ പുറത്തിരിക്കേണ്ടിവരും. സ്പിന്നറായി കുല്‍ദീപ് മാത്രമാണെങ്കില്‍ ജസ്പ്രീത് ബുംറ, മുഹമ്മദ് ഷമി, ഭുവനേശ്വര്‍ കുമാര്‍ എന്നിവര്‍ ടീമില്‍ ഇടംനേടും. ഹാര്‍ദിക് പാണ്ഡ്യയുടെ പേസ് ആക്രമണം കൂടിയാകുമ്പോള്‍ ഇന്ത്യന്‍ ടീം സന്തുലിതമാകുമെന്നാണ് കരുതുന്നത്.

ഇന്ത്യയുടെ സാധ്യതാ ടീം

ഇന്ത്യയുടെ സാധ്യതാ ടീം: ശിഖര്‍ ധവാന്‍, രോഹിത് ശര്‍മ, വിരാട് കോലി, കെഎല്‍ രാഹുല്‍, എംഎസ് ധോണി, ഹാര്‍ദിക് പാണ്ഡ്യ, രവീന്ദ്ര ജഡേജ, കുല്‍ദീപ് യാദവ്, ജസ്പ്രീത് ബുംറ, മുഹമ്മദ് ഷമി, ജസ്പ്രീത് ബുംറ.