ബെംഗളൂരു: ഐഎസ്ആര്ഒ ശാസ്ത്രഞ്ജരെ പ്രകീര്ത്തിച്ച് ഇന്ത്യന് കായിക ലോകം. 'ശാസ്ത്രത്തില് പരാജയം എന്നതൊന്നില്ല. രാപ്പകലില്ലാതെ ചന്ദ്രയാന് 2 ദൗത്യത്തിനായി കഠിനാധ്വാനം നടത്തിയ ഐഎസ്ആര്ഒ ശാസ്ത്രഞ്ജര്ക്ക് ആദരം. രാജ്യം നിങ്ങളെയോര്ത്ത് അഭിമാനിക്കുന്നു,' ഇന്ത്യന് നായകന് വിരാട് കോലി ട്വിറ്ററില് കുറിച്ചു.
There's nothing like failure in science, we experiment & we gain. Massive respect for the scientists at #ISRO who worked relentlessly over days & nights. The nation is proud of you, Jai Hind! 🇮🇳 #Chandrayan2
— Virat Kohli (@imVkohli) September 7, 2019
'സ്വപ്നം പൂര്ത്തീകരിച്ചില്ല, എന്നാല് ആത്മവിശ്വാസം കെട്ടടങ്ങിയിട്ടുമില്ല. ഇപ്പോഴുള്ള പ്രതിസന്ധികള് തരണം ചെയ്യാന് ഐസ്ആര്ഒയ്ക്ക് കഴിയും. നമ്മള് വിജയം കാണും' — വിരേന്ദര് സെവാഗ് രേഖപ്പെടുത്തി. ചന്ദ്രയാന് 2 ദൗത്യത്തെ കുറിച്ചും ഐഎസ്ആര്ഒ ശാസ്ത്രഞ്ജരെ കുറിച്ചും രാജ്യം ഒന്നടങ്കം അഭിമാനിക്കുകയാണെന്ന് ഗുസ്തി താരം ഗീതാ ഫോഗട്ട് അഭിപ്രായപ്പെട്ടു.
We started and we will reach the finish line...Proud of @isro proud of our 🇮🇳 #Chandrayaan2 #ISRO
— Irfan Pathan (@IrfanPathan) September 7, 2019
ഹര്ഭജന് സിങ്, ഇര്ഫാന് പത്താന്, ശിഖര് ധവാന്, ക്രുണാല് പാണ്ഡ്യ തുടങ്ങിയ താരങ്ങളും ചന്ദ്രയാന് 2 ദൗത്യത്തിന് പിന്നില് പ്രവര്ത്തിച്ച ശാസ്ത്രഞ്ജരുടെ അര്പ്പബോധത്തെ പ്രശംസിച്ച് രംഗത്തെത്തി.
ശനിയാഴ്ച്ച പുലര്ച്ചെയാണ് ചന്ദ്രയാന് 2 -ലെ ലാന്ഡര് ലക്ഷ്യം കാണാതെ പോയത്. സോഫ്റ്റ് ലാന്ഡിങ്ങിന് തൊട്ടുമുന്പ് ചന്ദ്രയാന് ദൗത്യത്തിന്റെ ഭാഗമായ വിക്രം ലാന്ഡറുമായി ഐസ്ആര്ഒയ്ക്ക് ആശയവിനിമയം നഷ്ടപ്പെടുകയായിരുന്നു.
भावुक करने वाला पल
— geeta phogat (@geeta_phogat) September 7, 2019
हमे गर्व है अपने प्रधानमंत्री @NarendraModi जी और @ISRO के हमारे सभी वैज्ञानिकों पर 🇮🇳👏🙏 pic.twitter.com/QvZVK83lbB
ചന്ദ്രനില് നിന്നും 2.1 അകലെ വെച്ചാണ് വിക്രം ലാന്ഡറിന് സിഗ്നല് നഷ്ടമായത്. നിലവില് ഓര്ബിറ്റര് ഇപ്പോഴും ചന്ദ്രനെ ചുറ്റി സഞ്ചരിച്ചുകൊണ്ടിരിക്കുകയാണ്. പദ്ധതി വിജയിച്ചിരുന്നെങ്കില് ഈ ചരിത്ര നേട്ടം കുറിക്കുന്ന നാലാമത്തെ രാജ്യമാകുമായിരുന്നു ഇന്ത്യ. എന്തായാലും ചാന്ദ്ര ദൗത്യം ഇന്ത്യ തുടരുമെന്ന് പ്രധാനമന്ത്രി നരേന്ദ്ര മോദി അറിയിച്ചിട്ടുണ്ട്.