|
പുതിയ മുടിയഴകില് താരങ്ങള്
സെലിബ്രിറ്റികളുടെ ഹെയര്സ്റ്റൈലിസ്റ്റ് അലിം ഹക്കിം ആണ് പാണ്ഡ്യയുടെയും ധോണിയുടെ സ്റ്റൈല് പുതുക്കിയത്. ഇരുവരുടെയും ചിത്രങ്ങള് ഹക്കിം പുറത്തുവിട്ടിട്ടുമുണ്ട്. ഇരു വശങ്ങളിലും പൂര്ണമായും ക്രോപ് ചെയ്ത രീതിയിലാണ് കളിക്കാരുടെ സ്റ്റൈല്. അഫ്ഗാനിസ്ഥാനെതിരെ ഇന്ത്യയുടെ മുന്നിര കളിക്കാര് പുതിയ മുടിയഴകില് കളിക്കിറങ്ങും. ഇന്ത്യ ക്രിക്കറ്റ് ടീം ട്വിറ്ററിലും നാല് കളിക്കാരുടെ ചിത്രം പോസ്റ്റ് ചെയ്തിട്ടുണ്ട്.
കളിയിലും ഇന്ത്യ മുന്നില്
ടീമിലെ സ്റ്റൈലിഷ് കളിക്കാരനാണ് പാണ്ഡ്യ. ഇടയ്ക്കിടെ മുടികഴകിലും ആഭരണങ്ങളിലും മാറ്റം വരുത്തുന്ന പാണ്ഡ്യ ഇക്കാര്യംകൊണ്ടുതന്നെ ശ്രദ്ധപിടിച്ചുപറ്റാറുണ്ട്. സ്റ്റൈലില് മാത്രമല്ല, കളിയിലും പാണ്ഡ്യയും ടീം ഇന്ത്യയും മുന്നില്തന്നെയാണ്. നാല് മത്സരങ്ങളില് ഒന്ന് മഴയെടുത്തെങ്കിലും ഏഴു പോയന്റുമായി ആദ്യ നാലില് തുടരാന് ഇന്ത്യയ്ക്ക് കഴിഞ്ഞിട്ടുണ്ട്.
ഇനി തുടര്മത്സരങ്ങള്
ടീമുകളെല്ലാം അഞ്ച് മത്സരങ്ങള് പൂര്ത്തിയാക്കിയപ്പോള് ഇന്ത്യ മാത്രമാണ് നാല് മത്സരങ്ങള് കളിച്ചത്. ആദ്യ മത്സരം കളിക്കാന് ഒരാഴ്ചയോളം വൈകിയതാണ് ഇന്ത്യ കളികളുടെ എണ്ണത്തില് പിറകിലാകാന് കാരണം. ലീഗ് മത്സരങ്ങളുടെ അവസാനം ഇന്ത്യയ്ക്ക് തുടരെ മത്സരങ്ങളുണ്ട്. ഇംഗ്ലണ്ട് ബംഗ്ലാദേശ് ടീമുകളുമായുള്ള മത്സരത്തിനിടയില് ഒരു ദിവസം മാത്രമാണ് ഇടവേളയുള്ളത്.